[A:123]kyi bstan pa dar bar bzhed pa la/ rab tu byung ba'i mkhan po med par rten gyi drung du bslab nos te/ mtshan yang lha bla ma ye shes 'od ces bya ba ni/ 'jam dpal rtsa rgyud nas lung bstan pa ltar ro/ /des mtho lding gser gyi lha khang bzhengs/ sras gnyis kyang rab tu byung te/ zhi ba 'od dang byang chub 'od/ yab sras de gnyis kyi ya rabs kyi khye'u blo rno ba nyi shu rtsa gcig rab tu byung nas/ /kha cher chos 'tshol ba la btang bas/ gzhan bcu dgu tshad pas shi/ mdo sde las lung bstan pa'i g.yas ru gzhung pa/ lhung bzor rin chen bzang po la/ dge slong bya'i gdong pa can du grags pa de lo chen dang / yar 'brog mtsho'i 'gram pa/ ri nang pa legs pa'i shes rab kyi lo chung du gyur pa de gnyis kyis lo tsA dang chos mkhas pa lobs nas tshur slebs/ lha bla ma la da lta rgya gar shar nub kun na/ jo bo di paM ka ra shrI dznya na las lhag pa mi 'dug zhus pas/ cis kyang gdan 'drongs pa zhig byed gsungs nas/ gtsang stag tshal bas lo tsA ba rgya brtson seng dang nag tsho gnyis/ 'khor mang po dang bcas nas thebs su btang /lha bla ma rang gi kyang rgyal srid gcung la gtad nas/ paNDi ta spyan 'dren pa'i cha rkyen gyi gser 'tshol ba la/ rgya gar mtha' 'khob la byon pas mu stegs rgyal pos btson du bzung / de blu ba'i rtsis kyi bod 'bangs byin po la/ sras gnyis pos gser bsdus pas/ sku lus dang mnyam pa'i gser 'dus na'ang / dbu tsam zhig ma byung ba la rnyed nas lha bla ma mu stegs pas bkrongs/ zhal chems la khyed rnams kyi byed lugs de ka yin te/ nga blus kyang nga rgas pas/ sems can la phan mi thogs/ gser rnyed pa rnams kyis jo bo dang / paNDi ta mkhas pa