[A:247]smad 'dul gyi bshad rgyud bzhugs so/ /na mo gu ru bhya/ smad 'dul du grags pa'i bshad rgyud ni/ ston pa sangs rgyas te/ nye bar 'khor/ kun dga' bo dang / sha na'i gos can/ nyer sbas dhi dhi ka nag po legs mthong / blo gros mi 'bebs/ yon tan 'od/ shAkya 'od/ chos kyi bshes gnyen/ che chung gnyis/ de gnyis kas seng ge gdong can/ des dha na shI la dang / dzI na mi tra/ des lcog ro klu'i rgyal mtshan/ des g.yo dge 'byung dang / gtsang rab gsal/ dmar shAkya mu ne gsum la bshad/ de gsum mdo smad du byon nas/ a mes bla chen dgong pa rab gsal la bshad/ des slob ma la snga ba khams kyi zog po mi drug bya ba byung te/ spang gong ye shes g.yung drung / par rin chen gsal/ 'al rdo rje dbang phyug snubs rakshi ta/ jo bo ye shes seng ge lcog ro shes rab byang chub rnams yin pa/ dang po mkhan slob cha ma tshang bas/ bsnyen rdzogs ma grub/ dge tshul yin/ 'dul ba la sogs chos rnams ni gnang / bla chen gyi bon po'i thugs zhen du byas nas/ zhwa theb kyi mu thugs sngon por byed pa sogs kyi/ bka' rtags kyi phyag rgya bzhi bya ba yang khong drug po la gnang bar byed do/ /spang par gnyis kyi slob ma/ grum ye shes rgyal mtshan/ des grum g.yung drung rgyal mtshan shing lag can la/ des dbus gtsang gi mi bcu'i nang nas/ klu mes tshul khrims shes rab la 'dul ba bshad/ des