[A:246]byas pa'o/ /spre'u'i lo slob dpon shAkya gzhon nu dang / slob dpon don grub dpal/ dpon slob kyi gung thang gi bshad grwa btsugs nas/ lo drug na slob dpon shAg gzhon ne'u thog tu byon/ gung thang du slob dpon don grub dpal gyis/ stag lo nas rta lo'i bar lo zhe gcig gi ring la/ bstan pa'i bya ba mdzad/ kun mkhyen shes rab rgyal mtshan dang / mkhas btsun blo gros bzang po/ skyes mchog bsod dpal la sogs/ slob ma mkhas grub bsam gyis mi khyab pa smin par mdzad/ de'i rting kun mkhyen sher rgyal ba rta lo la/ rgyal tshab tu dbang skur te/ des lo bcu bzhi gdan sa mdzad/ yos lo nas mkhas btsun jo bzang pas/ lo bcu gcig mdzad/ de'i rjes su skyes mchog bsod dpal ba bskos so/ /yang bzad ring gis khro phur bshad grwa btsugs nas/ stag ston spyil bu la sogs slob ma mang du byon/ ldong gis gdan sa byas/ de'i rting slob ma lho pa grub seng gi byas/ rong pa dang rigs thigs pa la sogs/ slob ma mang du byon/ rigs thigs pa'i slob ma zha lu bu ston las phyi ba yin no/ /yang skyel nag grags seng gis snar thang du bshad grwa la tshad ma bshad pas/ skyi ston grags 'bum/ de nas slob rgyud rim pa bzhin/ bcom ldan ral gri/ mkhan po zi dbon/ gra ring gra thung / rtsed ring rtsed thung la sogs mkhas pa mang du byon/ de'i rting dpon po rin chen 'byung gis bshad/ de'i slob ma ldong ston yin no/ /bshad brgyud rim pa rim par byon tshul 'di/ /'di phyi gnyis phan phan bde 'byung phyir bris/ /bris pa'i nus mthu mthu chen bstan pa'i rgyun/ /rgyun chags ring du ring du gnas par shog /dge legs 'phel bar gyur cig/ / /