[A:413]ngag dbang bsod nams dbang phyug grags pa rgyal mtshan dpal bzang po zhes mtshan snyan srid pa gsum gyi khongs na mngon par gsal ba de nyid kyi dang po sprul gzhi'i ngo bo ni rgyal ba thams cad kyi gsung rdo rje'i bdag nyid 'od dpag med dam nyid kyi sgyu 'phrul ye shes kyi rol gar mtha' yas pa las phyi ma'i dus su 'bras bu'i theg pa mchog gi nye lam ston pa'i ched du gsang ba gsum gyi 'od rdul sindhu'i mtshor 'phos pa'i sprul pa'i snang brnyan 'chi med rig 'dzin grub pa loo Dyin thod 'phreng 'chang ba de nyid sku dngos rnga yab dpal rir bzhugs pa gangs can gdul bya'i mgon du lha rigs 'khon gyi gdung du mii'i srid pa bzung ba ni 'jam dbyangs bsod nams dbang po nyid yin pa rje de nyid kyi rnam thar skabs 'byung ba bzhin/ de nyid slar yang rang gi rigs dbon du phebs pa rje 'di nyid yin tshul ni/ skyabs mchog 'di nyid dbus phebs kyi skabs gsang phu nas lkog gyur sgrib bral gzigs pa'i chos skyong chen po bse khrab can gyis rje 'di nyid la/ paNDi ta rang sngon gyi dge bshes 'jam pa'i dbyangs bsod nams dbang po'i sku'i rnam 'phrul yin ces dang / sku tshe 'di nyid kyi mdzad phrin 'di ltar 'byung gi lung bstan gsal ba bcas maNDal chen po zhig phul ba dang / zha lu rgyan gong du rdo rje rab brtan sku phebs pa'i