[A:609]gnas rten rnams la mchod 'bulathugs smon bcas/ snye thang 'phags sder gnas gzigs/ gsol tshigs khang du mchod yon chen po nas gzim gur bzhugs khri thab 'dzin/ rtse shod kyi sku 'khor ser skya lnga bcu tsam gyis phebs bsu/ gsol ja gnyis kyi ring la bka' 'dri ji ltar 'tshams pa gnang rjes/ dpal gyi chos 'khor lha sar phebs te/ g.yu thog khang gsar du bzhugs/ der mchod yon chen po nas yo byad mkho dgus phebs bar thon gsum gyi zur gsos shin tu che ba gnang / rgyal dbang thams cad mkhyen pa chen po'i mthong bzos bdag rkyen bla na med pa'i dbu 'don bka' drin che ba'ang gong sa rin po che de nyid kyi rtogs brjod dpag bsam rin chen snye ma zhes lcang skya rdo rje 'chang ye shes bstan pa'i sgron me'i bka' rtsom de nyid las mgo zla'i tshes drug la gangs ri'i ljongs kyi thub pa'i ring lugs pa rnams kyi nang nas rdo rje theg pa'i bshad sgrub kyi bya ba rgya cher spel ba la mchog tu bsngags pa dpal ldan sa skya pa'i gdung brgyud dri ma med pa dang yum rje btsun ma bcas mjal khar phebs par bkur bzos sogs sngar srol ma nyams pa'i bdag rkyen dang rgyud sde rgya mtsho'i skor las brtsams pa'i gsung gleng yang mang du mdzad/ bdag chen sku 'khor dang bcas pa rnams nas kyang sku gsung