[A:672]brtan gtso bor gyur pa'i dpal sa skya'i bstan pa gdung brgyud sde bcas kyi sku rim dang / ma gyur 'gro ba kun gyi tshogs bsog sgrib sbyongs su dmigs nyid kyi sku chas gang yod rten bzhengs su spungs pa'i zhu rten dang bcas gsol 'debs mdzad pa bzhin 'od dpag med gtso 'khor gsum dang tshe dpag med lha dgu'i sku rnams/ bal po lakShmi ma da/ to bo ti/ dpal rgyal sogs mi lnga g.yog bcas kyi dbo zla'i tshes brgyad nas bzo gra tshugs par rgyun 'phar gyi gnang cha zab par bstsal ba ka'i nang rje nyid nas tshoms dmar du gnod sbyin 'khor lo grangs mang sgrub gnang skabs sngar nas gtan med la byi ba'i rgyu 'phrul byung ba ni gnod sbyin pho mo rnams nor bdag byi ba'i gzugs kyi snod bcud phywa g.yang 'gugs pa lta bu byung /
chu stod zla nang gsol thabs lhor phebs rgyur nged rang gi nu bo de bla brang phun tshogs gling du thog mar 'gro rgyu yin pas drung 'khor rnams kyi bzhes bcas zabs gshom mdzad/ gsol thabs phebs 'phral khal kha nas rje btsun dam pa'i mi sna/ nang so em ji/ rdo lo bho sho khi/ al ji ching dbang no mon khang rnams dang / khyad par g.yon ru'i dpon dwa las bes bse byang chub rdo rje/ yum margen kha thon/ dpon mo tsha khang dha ra/