[A:115]kun tu lud par gyur to//
dgung grangs bcu bzhir phebs pa chu khyi lor/ thar rtse rdo rje 'chang nam mkha' bsam 'grub kun dga' mtshan dpe'i rgyal mtshan dpal bzang po'i drung du dge bsnyen gyi sdom pa yang dag pa bzhes/ de'i dus su mtshan 'bul rgyu'i tho rengs thar rtse ba chen por bud med sngon mo pi wang sgyur bzhin pa zhig gis ngag gi dbang phyug kun dga' blo gros bstan pa'i rgyal mtshan dpal bzang po zhes lung bstan pa bzhin du mtshan gyi mnga' gsol pas/ rjes su rje nyid kyi gsung las/ kho bo la sngags 'chang gos dkar can du dgos pa'i brda de dus nas byung zhes yang yang gsungs/ de nas mi ring bar mkhan po dbang phyug phun tshogs/ kun dga' zla 'od/ nam mkha' sangs rgyas grags pa/ kun dga' sangs rgyas sogs las slar yang thub pa 'od zer 'gyed spyan 'dren gyis mdo las khyim pa rnams ni me 'obs na gnas pa lta bu'o/ /rab tu byung ba rnams ni bsil khang na gnas pa lta bu'o/ /zhes dang / klu sgrub kyis/ khrims ni rgyu dang mi rgyu'i sa bzhin du/ /yon tan kun gyi gzhi rten lags par gsungs/ /zhes dang / sum brgya par/ nyon mongs dgra yul rgyal byed tshul khrims te/ /dge tshul brtul zhugs chu lon rtsig pa dang / /'chi ba'i mche ba 'byin par byed pa'i thabs/ /rdzogs pa'i byang chub dpal nod dbang bskur yin/ /zhes sogs gsungs pa rnams thugs mtshor bskyil nas rab tu byung bar