[A:117]nom pa stob par mdzad / skabs 'dir zhu 'os 'di dag kyang gleng ste/ rje rdo rje 'chang chen po de nyid ni/ bla ma gong ma rnams kyi rnam thar la zang zing gi dngos 'bul 'di dang 'di brjod nyog can du so sor mang du smos pa dang / don yod med la ma ltos par skye bo phal pa mang po'i ming bkod pa dang / brjod don bla ma de de'i ngo mtshar med pa'i rjod byed mdzes mtshon can dang / ngo mtshar che chung ji ltar yang yin lugs drang po mi bkod par a pha'i gsol zhal gtsang ma'i dpe bzhin/ sgro btags mang du bsnyad pa rnams la ni rnam pa kun tu mi dgyes pa mdzad tshul rnam thar chen mo las gsungs 'dug pa ni kun gyi tsittar bcangs dgos/ de nas khong dpon g.yog sogs la kyai rdo rje man ngag lugs kyi dbang chen 'ga' dang grub thob dang ras chung ba'i tshe dbang / sku dngos rnams la sgo rum ye shes mgon po'i sku drung du/ gur lha brgyad kyi rjes gnang dang sbrags bka' bsgo sogs thugs 'dod kyi re ba yongs su chos kyi sgo gnas khengs par mdzad/ de nas dad pa'i rtsa ba brtan po dang ldan na mthong thos dran reg kun don ldan du 'gyur ba'i dri gtsang khang rnams su mchod 'bul/ gnas gzigs/ bsngo smon sogs yang dag pas mtshams sbyor rnams mdzad / gdan sa nas 'thon nye'i phebs phyag sogs lugs gnyis kyi bdag rkyen yang dag pa bstsal nas/ bla ma gong ma rnams kyi phyag len phra mo tshun chad mi nyams dar rgyas su mdzad pa'i dam bca' thugs kyi dpal