[A:164]'dab phan pas ring nas skyong / /zhes dang / rgyal po rang yul che ba tsam/ /dam pa gang du phyin sar bkur/ /zhes rten 'brel gyi chos nyid du mchis lags pa dang / lhag par gru 'dzin pho brang chen po nas kun gzigs bdun pa chen pos bdag rkyen dbu 'don gyi mdzad pas spyir bag dro zhing / yang sgos de sngon gzhan nas mjal phyag zhus pas nyer blangs sku khams la gnod pa 'dra yang byung tshod mchis kyang rje rdo rje 'chang zhal rnam pa gnyis la phyag gnang ba'i nub mo mtshan gzim 'jam pa dang / zhabs brtan phul ba nas sku la yar skyed bzhes pa sogs gong sa de nyid kyi rnam thar lcang skya rdo rje 'chang gi gsung rtsom de na'ang bsngags brjod bcas 'khod par gnang 'dug pa bzhin/ rje rdo rje 'chang chen po de nyid ni/ dus dang gnas skabs thams cad du grub mtha' ris su ma phyed pa'i mkhas grub la gus shing / de dag gi gsung gi bdud rtsi bzhes pa'i dbu bla yang gong gsal ltar dang / khyad par rgyal ba yab sras 'di rnams snyigs dus bstan 'gro'i mgon du bsam bzhin phebs pa yin dgongs pa'i thugs dad rang byung bcos min du mchis pa'i rten 'brel gyi gnad dang / 'phags mchog phyag na padmo nyid kyi thugs rje rnams lhan cig 'dzom pa ngo mtshar bla med pa las byung ba'o/ /de nas 'dzam gling skye 'gro kun gyi bsod nams kyi zhing mchog dam pa dang / yang sgos bod kha ba can pa'i bsod nams kyi bgo skal du rnyed pa jo bo rin po che'i sku drung du rab gnas chig sgrub