[A:184]rdzas dang bcas ngo mtshar 'phrul gyi bka' 'doms tshar phyin mdzad rjes/ dam ye dbyer med du byin gyis brlabs te lus can bsod nams gsog pa'i zhing mchog dam par mig gi spyod yul du gsal ba 'di dang / gang gi dbu bla thar rtse rdo rje 'chang nam mkha' bsam 'grub kun dga' mtshan dpe'i rgyal mtshan dpal bzang po'i snang brnyan sman 'dam las grub pa ring bsrel rnam bzhi spyi dang bye brag gis phyur bur mdzad/ mi bskyod rdo rje'i phyag can du bzhugs pa de nyid 'dus tshogs nas rab tu gnas pa'i me tog tshar kha shas dang / rje nyid kyis kyai rdo rje la brten pa'i rab tu gnas pa'i me tog gnad smin phul dus kyi gsung las/ ye shes sems dpa' phebs pa'i rtags kyang shar bas/ dgos 'dod re skong 'di nyid la rje de rang gi dbu zhwa/ gos ber zhal dkar stegs bcas/ spyi blugs/ 'thor snod/ rdor dril/ nang mchod/ thod TA/ bum pa sogs bsod nams kyi zhing mchog der phul ba yin cing / rje de'i sku drin ni nam du yang khyer mtha' ma mchis so/ /rgyu mtshan ci'i phyir zhe na/ yab rdo rje 'chang de nyid zhi bar gshegs dus rang nyid byis pa na phra/ lugs gnyis kyi blang dor la rmongs pa'i dus/ chos 'jig rten gyi mgo 'don tshang ma dam pa 'di'i sku drin gyis bskyangs pa'o/ /zhes gsungs/ gong sku gshegs zung gi nang rten 'jam dbyangs snang brnyan dang / dngul gdung phra rgyan can/ thar rtse rdo rje 'chang gi sman sku bcas/ de skabs bla brang shar na bzhugs pa