[A:245]bka' 'doms mdzad nas/ rje nyid kyi rnam 'joms kyis gzungs bzla zhing bum chu 'thor bzhin pas sna drangs te spyan 'dren skabs/ lcid med ltar bde bar yer gyis mgon khang chen mor phebs/ zhabs la nyams gso'i skabs rje nyid sku 'khor rags bsdus kyis nang so 'phags pa rin po che'i phyag nas gur mgon lcam dral/ smug chung zhal 'bag sogs rim bzhin spyan 'dren dang / de nas yig brgya ljags bzlas su mdzad bzhin par zangs chen bla mtsho nas zangs shu gang chu tshags la 'dren par gnang / de nas gsol gzim gnyis kyis bcus te ban tshang pas bkye skabs kyang nyog thams cad ras tshags su bzung zhing rdzogs dus med pa lta bu byung zhes gsungs/ sngon sngags 'chang chos kyi rgyal pos mgon khang de'i shar nas zangs chen nub tu gdan drangs pa nas bzung rje rdo rje 'chang chen po nyid dgung grangs so dgu nas bzhi bcu pa 'di'i bar du sgul bskyod ye ma mdzad pas/ lo yun ring po'i bar gyi bdud rtsi ril 'dam dang chu drag sogs nyog gtsang rnams phyogs gcig tu bzlums par mdzad/ se mo'i ro sa bre gang gi tshod tsam la gzhan phal cher se ro rang du ngos 'dzin gnang / rje nyid kyi thugs la ni bla mtsho'i mtshan la khrag mtsho bkra shis 'od 'bar du zhu bas na/ rnam pa gdug can khrag rgyun 'khyil ba la ngo bo ye shes kyi bdud rtsi'i rgya mtsho dam can 'du ba'i chu klung chen por ngos 'dzin dgos pas na/ dgra bgegs kyi ro rang yin dgongs pa don ldan du 'khrungs/ chu phal cher