[A:87]dkar chag bzhin dang / snyan brgyud thun min skor tshar chen rdo rje 'chang gi phyogs gcig tu bsgrigs pa'i glegs bam de nyid dkar chag bzhin dang / der ma 'dus pa phyis byon bla ma dam pa rnams kyis mdzad skor rnams phyogs gcig tu bsgrigs par mdzad pa nas snyan brgyud yang glegs bam du grags pa rmor chen chos kyi rgyal po'i dkar chag bzhin dang / lo tsA ba gyi ljang dbu dkar ba nas brgyud pa rnams tshar chen chos rje'i dkar chag bzhin dang / lha mo dud sol ma'i pod tshar chen chos kyi rgyal po'i dkar chag bzhin yongs su rdzogs pa'i lung gsan pa sogs snyan brgyud bzhi shugs las byung ngo / /gzhan yang brgyud rim sogs zhib tu rtogs par 'dod na gsan yig chen mo ltar ro/ /dpal sa skya pa'i mgon po che chung gnyis su grags pa gsang ba 'dus pa'i rtsa rgyud las gsal bar bstan cing / 'phags pa'i yul du slob dpon klu sgrub dang / de bzhin gshegs pa srung ba/ ri sul gyi rnal 'byor ma la sogs pa rnams la bka' bab cing bstan pa srung ba/ gangs ljongs 'dir bla ma gnyan lo tsA bas spyan drangs te gnam kha'u pa brgyud nas sa chen bstan pa'i mnga' bdag rje btsun sa skya pa yab sras rnams la bka' bab pa'i bstan srung dbang po mgon po zhal bzhi pa'i skor la/ snyan brgyud dang po gser gyi maNDal dang bcas rten 'brel bsgrigs nas snyan brgyud gnyis pa'i skor la rjes gnang dang / gdams pa'i dngos