[B:22a]thun mong ba chos 'brel du mi 'gro ba la dgongs nas/ de dag gi 'dzub khrid pa la phyag mi mdzad pa la 'khrul nas/ gdung brgyud la khag gtang ba'i zab chos mang po bslabs nas/ chos 'brel du mi rtsi ba byung ba ni rang rang gi khengs pa'i skyon no/ /de nas dgung lo so gsum pa me mo yos la 'gro mgon phyag na sku gshegs pa'i chos 'khor chu mig tu mdzad pa la dge 'dun dgu khri la 'bul 'gyed bgrang las 'das so/ /de rjes de ma thag hor gyi gdan 'dren pa nan ches nas lo bzhug de la 'dam du phebs par byon/
phyis lo sa pho 'brug la dpon chen shAkya bzang pos lha khang chen mo bzhengs/
khri skor bcu gsum bskul/ dpon chen kun dga' bzang po dang sbrel nas rdzogs par grub/ rin chen sgang / lha khang bla brang / dus mchod bla brang rnams kyang bzhengs so/ /gong du phebs nas dgung lo so drug pa lcags pho rta la dbang zhus pa'i tshe mi nyag rgya rgod kyi rgyal po'i shel dam la bcos byas nas shel dam gling drug ma dang / mu tig gi 'ja sags phul/ gnam gyi 'og sa'i steng na/ rgya gar lha'i sras po/ sprul pa'i sangs rgyas/ yi ge rtsom mi/ rgyal khams
[A:47]'jags su 'jug pa po gnas lnga rigs pa'i paNDi ta 'phags pa ti shri zhes mtshan gsol/ dngul bre chen stong rwa can dang / gso dar lnga khri dgu stong la sogs pa phul/ mjal res kyis mthong phyag dang mjal dar dngul bre 'chag med sogs mdzad pas/ rgyal po'i 'phral gyi 'bul ba kun gril bas gser bre brgya