[B:27a]nas nyin mtshan chos kyis mda' bar mdzad| ta'i si tu byung ba rgyal mtshan gyis bsam yas kyis chos gzhi dang / sa skya'i skyong dar mdzad pa'i snyan bskul gyi zhu yig rim par phul ba la/ thugs khrel bka' skyon thugs 'byung gi bka' shog na'ang / bya bral gyi ngang nas phyag rdzas gang byung thams cad bsam yas la sogs pa'i zhig gsos dang / bo dong bsam yas gnyis su dge 'dun shin tu mang por bsags nas mdo sngags kyi chos 'khor shin tu ngo mtshar ba bskor ba'i bsnyen bkur 'bul snod dpag med mdzad pa la sogs pa'i sbyin pa dang / sdom gsum gyi nyes ltung phra mos kyang ma gos pa'i ngang nas rab byung bsnyen rdzogs stong phrag lnga lhag la sogs pa mtha' yas pa'i mkhan po dang / dbang bskur sems bskyed grangs med pa'i slob dpon mdzad/ tshul khrims rgya
[A:57]cher spel ba'i tshul khrims/ de dus kyi sa skya pa'i nang zhig dang / shed che ches chung chung 'dzoms pa'i sde 'khrug la sogs pa'i log sgrub bzod pa'i bzod pa dang / nyin dal ba don med du skad cig kyang mi bzhugs pa'i brtson 'grus dang / sangs rgyas dang sangs rgyas kyi zhing mang po gzigs pa dang / sngon dang phyi ma'i mtha' mang du mkhyen pa'i ting nge 'dzin dang / ji lta ji snyed mtha' dag la chags thogs mi mnga' ba'i shes rab la sogs ste/ lung rtogs kyi yon tan dang gzhan phan phrin las kyi cha la 'gro mgon 'phags pa rin po che man chad kyi gdung rgyud gang zag sus kyang 'gran par mi nus pa'i yon tan dang ldan pa'i ngang nas dgung lo re gsum pa lcags mo yos lo zla ba drug pa'i nyer lnga la