[B:33a]gdung brgyud kyis chos gsungs pa la 'di las lhag pa'am/ mtshungs pa rgan gyis mi dran pas shin tu ngo mtshar du 'dzin pa dang / gang rung gcig gdan sar mi bzhugs pa'i stabs med ces zhu ba byung / de dang dus mtshungs gdan sar 'degs kha rang du rgya yul nas 'bul ba dang | 'ba' hu len mi rdzongs gsungs pa'i rgyal po'i 'ja sags yang phebs/ yar phyir rtse shar nub dang / gzhis kha bsam rtse nas kyang skye bsu thab 'dzin bkur bsti ngo mtshar ba mdzad do/ /sku gzhon pa ni/ nam mkha' bkra shis rgyal mtshan dpal bzang po ste/ yab dgung lo nyer bzhi pa/ sa pho stag lo la 'khrungs/ byis pa chung ngu'i spyod pa thams cad dang bral thugs khro ba mi mnga' ba lta bu yun ring du byung / da lta'i sku gsung thugs kyi gnas tshul yang yab ji lta ba bzhin du ngo mtshar bar bzhugs so| /lo la/ bdag chen mi'i dbang po 'di la yang / /rgya'i rgyal pos yab la ji ltar gnang ba ltar/ dbang gi mtshan dang las kha/ 'ja sags/ lung bzang po/ ser chas dang / rdor dril bubs/ rten khebs/ pang khebs gser ma/ dbang gi
[A:69]skya chas tshang ma/ ja gos dar gyi gnang sbyin stobs che ba dang bcas pa byung / kye rdor dang phur pa sogs yab mes kyi chos la mkhas/ thugs dam mthil ma lam 'bras la mdzad/ mdor na chos 'jig rten gyi phrin las je rgyas su bzhugs so/ /de ltar na gdung rabs rkang bgrang nyi shu rtsa bdun/ gyes pas bgrang na brgya lhag song 'dug na'ang / stag tshang pa 'di pa las gzhan rnams ni chad du nye bar song 'dug cing /