[A:286]zad mi shes pa'i dbyangs ldan glu/ /thams cad ston pa'i
sbyar rgyan
yul du bsgyur mkhas pas/ /sgrib pa'i gshed du dbab pa'i bde gshegs kyi/ /snying po kun la yod par mthong bas sgra/ /ma bsnyon dor gyi rgyan
yin chos kyi mig ni grangs med pa/ /sbyin pa'i pha rol nyid du phyin gyur la/ /zhi la mngon sbyor dge ba'i tshogs kyi bcud/ /rdzogs pa'i sangs rgyas gso ba'i rig pa 'di/ /bgos skal bzhin du thob pa'i sa skya pa/ /sangs rgyas kyi
bstan pa'i bdag po
ces brjod pa'i yul ma nor/ /de nyid don dang ldan pa'i yon tan don gzhan bkod pa'i rgyan
mang / /sdug bsngal sa 'og bying ba'i 'dren pa byed/ /'gro kun sngon 'tshang ma rgyas bar dag tu/ /lhan cig gnas pa'i phreng las yol ba lhan cig brjod pa'i rgyan
med/ /chos dang srid pa gnyis su mi byed pa'i/ /dpal gyi 'byor pa chen po'i mgur gcig las/ /'ongs pa'i sgra don bzang pos khams gsum pa/ /rjes su 'dzin pa'i bskal pa 'di bzang ngo/ /'jig rten 'jig rten 'das pa'i spyi bo ma lus non pa'i skyil mo krung / /mkha' khyab bar du bcas pa'i zhabs la sangs rgyas kun gyis phyag byas pa'i/ /gtsug tor dri med 'od zer ring pos gang gi bla na gzhan phul byung gi rgyan
med pa/ /nges pa'i yi ge gtsang ma'i ris su bkod pa'i phreng ba yongs su smin/ /'jam dbyangs mi'i srid pa 'dzin pa sa skya paNDi ta kun dga' rgyal mtshan dpal bzang po'i rtogs pa brjod pa bskal pa bzang po'i legs lam las/ zhal skyes slob ma'i mchog mkhas shing grub pa brnyes pa dang phrin las rgyun mi chad pa'i sarga da bcu gnyis pa'o// //'dzam gling sa gzhir mtho ris kyi/ /mdzes par brgyan la ya mtshan nas/ /de 'dzin sa la legs bris gtso/ /brgyud pa rin chen dri med pas sger dkar du grags
/ /mi rje lhas su byed pa'i mthu/ /gnam gyis byin pa'i cod pan rtse mo shin tu mtho bas
/