[A:178]dag dang mkhas dang grub pa rnams kyi dgongs don 'khrul med bstan pa'i chos tshad ma/ /dkyil 'khor chen po'i 'khor lo'i mgon dang dbyer med pa yi rdo rje'i slob dpon mtshan nyid kun dang ldan tshad ma/ /rig pa 'dzin pa'i dbang phyug rnams kyi thun mong mchog gi dngos po thob pa 'di ni nyams myong tshad ma'o/ /sbyang gzhi khyad par lus mchog rtsa dang yi ge rnam dkar dngas ma ye shes rlung gi dkyil 'khor che/ /sbyong byed dbang bzhi dang ni snang dang stong pa zung 'jug chen po'i ngo bo nyid sogs lta ba bzhi/ /'khor dang mya ngan 'das pa dbyer med la sogs rjes thob grub pa'i mtha' chen bzhi yi nges pa can/ /sbyangs 'bras sprul pa longs spyod rdzogs dang chos dang bzhi pa ngo bo nyid sku tshe 'dir sbyin pa'i thabs/ /gsung ngag lam dang 'bras bur bcas/ /ring brgyud las 'ongs gdams pa'i tshogs/ /zab rgyas du ma dang nye brgyud/ /ches zab shin tu nye ba'i brgyud/ /brda yi chos kun mtshon byed sogs/ /brjod bya rjod byed zab mo'i gnad/ /gzhan dang thun mong ma yin pa'i/ /snyan nas brgyud pa du ma dang / /
rtog rtse bas mdzad pa'i
bsam mi khyab dang mar me'i rtse/ /phyag rgya gtum mos lam rdzogs pa/ /rtsa thig rlung gsum yon po srong / /mchod rten drung du sems thag bcad/ /phyag rgya chen po yi ge med/ /lhan cig skyes par grub pa dang / /gzhan yang phra mo nyi shu lnga/ /'chi med grub pa'i gdams pa che/ /mdo rgyud bsre dang lus 'khrugs dang / /gdon dang ting 'dzin bar chad sel/ /gnyug ma dran gsal sdug bsngal gsum 'du byed kyi sdug bsngal dang
/ 'gyur ba'i sdug bsngal dang / sdug bsngal gyi sdug bsngal rnams
/ /sel bar byed pa'i chos tshul dang / /rdo rje bla ma seng ge sgra/ /birU pakSha'i tshe sgrub dang / /slob ma phal che ba
la mi gnang ba'i/ /zab mo'i gser chos bcu gsum dang / /gnyis med kye yi rdo rje'i lugs/ /sor sdud bsam gtan srog rtsol dang / /'dzin pa rjes dran ting 'dzin khrid/ /dus kyi 'khor lo 'grel