[A:183]thos sras kyis bskor/ /de nas mdo dang mdo'i rjes 'brel/ /phal chen 'dus pa rin chen tog /gra lnga gser 'od la sogs dang / /sdud pa shes phyir nyer lnga pa/ /klu sgrub kyis mdzad sems 'grel dang / /rgyal por springs pa rin chen phreng / /rten 'brel gzhung dang bshes spring dang / /bstod tshogs mdo rnams kun las btus/ /dbu ma 'jug pa phung po lnga'i/ /rab byed smra
paNDi ta smr-i tis mdzad pa'i sgo mtshon cha dang / /slob dpon dpa' bos mdzad pa'i
skyes rabs phreng ba so bzhi pa/ /spyod 'jug bslab pa kun las btus/ /tsandra go mi'i slob spring dang / /slob dpon gsang bas byin gyis mdzad pa
gzhon nu ma
bdun gyi rtogs pa brjod/ /byang chub sems dpa'i lam gyi rim/ /bstod pa'i rnam grangs du mar bcas/ /slob dpon rta dbyangs kyi mdzad pa'i
gso dpyad yan lag brgyad pa dang / /de yi rgyas 'grel kha che zla ba la dga' bas mdzad pa
zla ba'i zer/ /sman gyi mdo lnga dpyad gzhung sogs/ /gso ba rig pa'i gnad ma lus/ /bstan pa rin chen de skyong byed/ /mkha' 'gro ma
rdo rje gur gyi srung ma che/ /ga ya dha ra las brgyud pa'i/ /lha lnga dpa' bo gcig pa dang / /ba ri lo tsA'i mgon rkyang dang / /zhu chen gyi ni lo tsA ba/ /rin chen bzang po nas brgyud pa'i/ /rkyang sgrub lcam dral sbags te sgrub/ /de yi dbang dang rjes gnang dang / /cho ga'i rim pa du ma phrag /phyi dang nang dang gsang ba yi/ /man ngag zab mo'i gnad mtha' dag /ta thA ga ta rakShi ta/ /'bum phrag gsum pa ri sul gyi/ /rnal 'byor ma las nyer brgyud pa'i/ /gnyan mgon gdong bzhi'i chos skor dang / /nag po chen po bya rog gdong / /dkar mo nyi zla'i phreng ba can/ /bdud rgyal dud khrod bdag po sogs/ /chos srung chen po'i skor rnams gsan/ /de ltar rang lo'i mandA ra ba gzhon nu yal 'dab bco lnga'i dus nyid na/ /'khon rigs mkhas dang grub pa'i dbang phyug rnams kyis legs par bshad