[A:༡༨༣]ཐོས་སྲས་ཀྱིས་བསྐོར། །དེ་ནས་མདོ་དང་མདོའི་རྗེས་འབྲེལ། །ཕལ་ཆེན་འདུས་པ་རིན་ཆེན་ཏོག །གྲ་ལྔ་གསེར་འོད་ལ་སོགས་དང༌། །སྡུད་པ་ཤེས་ཕྱིར་ཉེར་ལྔ་པ། །ཀླུ་སྒྲུབ་ཀྱིས་མཛད་སེམས་འགྲེལ་དང༌། །རྒྱལ་པོར་སྤྲིངས་པ་རིན་ཆེན་ཕྲེང༌། །རྟེན་འབྲེལ་གཞུང་དང་བཤེས་སྤྲིང་དང༌། །བསྟོད་ཚོགས་མདོ་རྣམས་ཀུན་ལས་བཏུས། །དབུ་མ་འཇུག་པ་ཕུང་པོ་ལྔའི། །རབ་བྱེད་སྨྲ་
པཎྜི་ཏ་སྨྲྀ་ཏིས་མཛད་པའི་སྒོ་མཚོན་ཆ་དང༌། །སློབ་དཔོན་དཔའ་བོས་མཛད་པའི་
སྐྱེས་རབས་ཕྲེང་བ་སོ་བཞི་པ། །སྤྱོད་འཇུག་བསླབ་པ་ཀུན་ལས་བཏུས། །ཙནྡྲ་གོ་མིའི་སློབ་སྤྲིང་དང༌། །སློབ་དཔོན་གསང་བས་བྱིན་གྱིས་མཛད་པ་
གཞོན་ནུ་མ་
བདུན་གྱི་རྟོགས་པ་བརྗོད། །བྱང་ཆུབ་སེམས་དཔའི་ལམ་གྱི་རིམ། །བསྟོད་པའི་རྣམ་གྲངས་དུ་མར་བཅས། །སློབ་དཔོན་རྟ་དབྱངས་ཀྱི་མཛད་པའི་
གསོ་དཔྱད་ཡན་ལག་བརྒྱད་པ་དང༌། །དེ་ཡི་རྒྱས་འགྲེལ་ཁ་ཆེ་ཟླ་བ་ལ་དགའ་བས་མཛད་པ་
ཟླ་བའི་ཟེར། །སྨན་གྱི་མདོ་ལྔ་དཔྱད་གཞུང་སོགས། །གསོ་བ་རིག་པའི་གནད་མ་ལུས། །བསྟན་པ་རིན་ཆེན་དེ་སྐྱོང་བྱེད། །མཁའ་འགྲོ་མ་
རྡོ་རྗེ་གུར་གྱི་སྲུང་མ་ཆེ། །ག་ཡ་དྷ་ར་ལས་བརྒྱུད་པའི། །ལྷ་ལྔ་དཔའ་བོ་གཅིག་པ་དང༌། །བ་རི་ལོ་ཙཱའི་མགོན་རྐྱང་དང༌། །ཞུ་ཆེན་གྱི་ནི་ལོ་ཙཱ་བ། །རིན་ཆེན་བཟང་པོ་ནས་བརྒྱུད་པའི། །རྐྱང་སྒྲུབ་ལྕམ་དྲལ་སྦགས་ཏེ་སྒྲུབ། །དེ་ཡི་དབང་དང་རྗེས་གནང་དང༌། །ཆོ་གའི་རིམ་པ་དུ་མ་ཕྲག །ཕྱི་དང་ནང་དང་གསང་བ་ཡི། །མན་ངག་ཟབ་མོའི་གནད་མཐའ་དག །ཏ་ཐཱ་ག་ཏ་རཀྵི་ཏ། །འབུམ་ཕྲག་གསུམ་པ་རི་སུལ་གྱི། །རྣལ་འབྱོར་མ་ལས་ཉེར་བརྒྱུད་པའི། །གཉན་མགོན་གདོང་བཞིའི་ཆོས་སྐོར་དང༌། །ནག་པོ་ཆེན་པོ་བྱ་རོག་གདོང༌། །དཀར་མོ་ཉི་ཟླའི་ཕྲེང་བ་ཅན། །བདུད་རྒྱལ་དུད་ཁྲོད་བདག་པོ་སོགས། །ཆོས་སྲུང་ཆེན་པོའི་སྐོར་རྣམས་གསན། །དེ་ལྟར་རང་ལོའི་མནྡཱ་ར་བ་གཞོན་ནུ་ཡལ་འདབ་བཅོ་ལྔའི་དུས་ཉིད་ན། །འཁོན་རིགས་མཁས་དང་གྲུབ་པའི་དབང་ཕྱུག་རྣམས་ཀྱིས་ལེགས་པར་བཤད་