[A:211]gnang
bas na legs par gsungs pa'i chos 'dul ba dang 'gal ba'i rkyen med do zhes
/ /sgrub ngag rnam par dag pa'i sgra/ /ston ka'i mkha' dri ma med pa
las btus pa na/ /ma rig pa'i
bshes su
gyur pa'i drang srong
mdongs mtha' can de dag /
skad mi 'byin par sun phyungs to/ /yang kho na re srid pa
'di na brtan pa snod dang
g.yo ba bcud kyi
tshon ris
brgya'i mdangs/ /sna tshogs ma 'dres rang rang gi /gzugs gsal ba
de byed pa pos
gtso bo gcig nyid kyis/ /khyab par bris pa'i mthu yin lo/ /lan mdzad pa
skye 'gag gnas gsum dang
bral bas ngo bo nyid kyis
/ /med pa'i
phyir gtso bo ni snod bcud kyi
byed po min no
/ /gzhan yang
brtan pa snod kyi 'jig rten dang
g.yo ba bcud kyi sems can rnams
rim gyis byung ba'i phyir/ /gtso bo rtag pas byas pa dang
'gal lo
/ /des na gtso bo'am
rang bzhin gcig las mi g.yo ba yin yang / /'phral snang gar mkhan lta bu 'di
yi/ /byed po zla med yan gar ba/ /de yang 'di na ma dmigs so zhes
/ /khong
mi khro brtse bas brlan pa yi/ /reg pa bsil ba'i lan de skad
btab pas/ /'phrog byed yid la bzod dka'i me/ /'bar bas rang gzhung lugs
ngan pa tshig mi 'os shing 'os pa'i rgyu'i rgyan
/ /yang kho na re
kun la
khyab pa'i
'jug pa rgya
cher yangs pa/ /nam mkha' ji bzhin mthar med pa
'gro zhing / /ngo bo gcig rang du bden la gzhan du
'pho med pa/ /de 'dra gtso bo'i rang bzhin yin no zhes
zer/ /lan mdzad pa
kye ma zhes snying rje'i gsung sngon du btang nas yul la 'jug pa
rdul dang yul la blo kha ma chog pa
mun pa dang yul la gsal par 'jug pa chen po
snying stobs kyi/ /yon tan gsum dang
ldan pa'i
dngos po de gtso bo
/ /cha med
gcig tu bden par
'dod pa'i 'gal 'du can/ /grangs can pa
khyod kyi rig pa 'di ci zhig yin te snying po med do
/ /ngo bo nyid
dang bral ba'i
stong pa de
yis/ /dus
bstan du
yod pa'i
shes bya'i 'bras bu
'byin par byed
na/ /rang rang gi
'bras bu
dang mi ldan pa'i/ /chos de 'dra
'jig rten 'di na dkon par thal lo zhes
/ /rtsod pa'i 'dun sa
gang du mi yi seng ge bdag nyid chen po
des/ /sngar rgol so gnyis glang po'i nga rgyal gyi
dregs bcom pas/ /khengs pa btang bzhin 'gram la gnas
pa yi/ /sgra dar dir du sgrogs pa'i
bung ba de dag
rgyang ring du
'phur te song ngo
/ /yang kho na re dper na
rba