[A:232]rtsi las kyang bda' ba'i chos ji snyed/ /sa skyar bdag nyid che de gsung ba'i tshe/ /
bar snang nas 'di skad du grags te
byang chen smra ba'i rgyal po'i rigs dam pa/ /mi nyid tshul du skyes rabs nyer bdun gyi/ /bar du gnas lnga rig pa'i paNDi ta/ /tshar du dngar bar zlos pa khyod cig grang zhes pa dang
/ /bcom ldan 'das sku dpe med rdo rje 'chang / /dngos smra'i mgon po grags pa rgyal mtshan gyi/ /sprul pa sa gsum mun pas dbul byed pa'i/ /mi yi nyi ma rtsod pa med khyod shar/ /nam mkha' pha rol med pa'i dam tshig par/ /ye shes sems dpa' phab pa'i rgyal ba yi/ /dkyil 'khor rab tu 'byams pas ma 'grongs pa'i/ /sems can mtha' yas khyod kyis 'dren 'gyur zhes/ /rang gi yon tan kha rlangs mngar po'i ro/ /snying bstan ri bo'i sul du myangs pa'i 'brug /bsngags 'os dbyar la bab pa nA da'i sgras/ /skal bzang gtsug phud can mang gar la 'dzug /bar du gzhan gyis ma chod mir skye ba/ /nyer lngar rdo rje rnon pos rjes su bzung / /de 'dra rgyal ba'i rigs brgyud mu tig gi /'khri shing mngon mtho'i dpyid ka yin mod 'dir/ /gdul bya'i khams la bstan pa drang don can/ /nges pa'i don du 'jam pa'i dbyangs ngo bo/ /nyid gyur gsar pa'i zhal gyi dkyil 'khor dngos/ /bo dong brtson 'grus rdo rje la sogs
dag pa'i blo can rnams kyis gsal por mthong / /manydzu gho Sha kIrti ste 'jam dbyangs grags pa zhes bya ba
'i mtshan ldan pas/ /'chi med zhal zas dri ro can bshams pa'i/ /mgron du gnyer bya 'khor ba las sgrol ma/ /dngos byon dges par rol la nam zhig na/ /der ma gshegs par gsol ba drag gdab tshe/ /byon par
snang yang rgyab kyis phyogs la zhal ma bstan gyur pa de'i tshe
/ /ma gcig ces bod nas
gnas skabs 'di ni ci las rkyen/ /de skad lan du kye ma 'jam dpal dang / /dbyer med sa skya paNDi ta la khyod/ /gshe dang log ltas legs pa'i lam sgribs te/ /bdag zhal blta ba'i
skal ba'i mig rab ldongs par gyur ta re/ /