[A:2a]thams cad mkhyen pa'i zhal snga nas gsung ngo / 'di ni rgyal po'i lung gis rgya gar du chos slob tu btang / paN Di ta brgya rtsa brgyad bsten/ khyad par du lha rig pa'i seng ge dang bram ze li byin las mkhas par bslabs/ bod du chos mang po bsgyur/ bod yig brtsams/ 'jig rten gyi mig lta bur gyur pas lo tsA ba zhes pa'i thog mar byon pa yin no/ de'i bu mahA sa twa/ de'i bu ye nag de'i bu nyi ma klong gsal/ de'i bu ber nag can/ de'i bu mon mo/ de'i bu gtso bo lha sras/ de'i bu bsod nams rgyal po
/ de'i bu rgyal po dga'/ de'i bu rta mgrin rgyal mtshan/ de'i bu dpon rdo rje bkra shis zhes pa'i bsod nams can zhig byung ba rgya yul la byon/ du dben sha'i las ka lon pas rdor bkras du dben sha zer/ de'i sras dpon bzhi 'dzom zhes 'jig rten gyi mes po lta bu de la gong ma grags pa rgyal mtshan
gyis gzhis ka gong dkar gyi rdzong dpon bskos/ de'i sras rgyal ba shes rab ces pa mi'i lus la lha'i rnam dpyod 'dra ba zhig byung /
Birth
yab 'di dang yum skye dgu'i bdag po dpal ldan rdo rje bde ma gnyis kyi sras su 'khrungs pa yin te/ de yang dus 'khor ba lugs kyi ston pa mya ngan las 'das nas lo nyis stong sum brgya dang brgyad 'das zhing dgu pa'i dus/ rgya gar ba'i lo'i ming yongs 'dzin zhes bya ba chu pho byi ba'i lo'i smin drug gi zla ba'i yar tshes bco brgyad kyi tho rangs rgyal chen gling