[A:31a] slob dpon ba liM ta'i drung du gser 'gyur gyi gdams pa zhus/ gling bar nas gser 'gyur gyi rdzas rnams blangs te gser 'gyur byas pas ma grub pa dang / chang tshong ma zhig gi skya ba gser du gyur pa gzigs nas/ de la blangs pas gser 'gyur grub/ zangs rnams gser du bsgyur/ mu ge ma byung ba'i sa nas 'bru mang po drangs nas dge 'dun gyi gdugs tshod sbyar/ de'i tshe yul phyogs kyi mi stobs med rnams shi stobs chen rnams gzhan du deng ste yul stongs par gyur to/ /de nas mu ge bsang pa na dge 'dun rnams na re/ yul phyogs 'dir mu ge byung ba yin 'dug pa la/ khyod kyis ji ltar byas nas dge 'dun gyi 'tsho ba btsal zer/ rgyu mtshan bsnyad pas/ khyod kyis dge 'dun la ma zhus par gser 'gyur byas dge 'dun log 'tsho la bkod 'dug pas gnas nas phyung la gtsug lag khang dang mchod rten bye ba gyis shig ces bsgo'o/ /de'i tshe dge slong bde byed ces bya bas rig pa'i rgyan zhes bya ba'i gzhung 'bum phrag bcu gnyis pa byas nas thams cad sun 'byin pa zhig byung ba na/ de'i gnyen por chos sde snod mang po gsungs/ lta ba log pa rnams yang dag pa'i lta ba 'dzin du bcug cing chos 'chad kyin bzhugs pas/ re zhig na byis pa gnyis chos nyan du byung bas dri zhim pos khor yug thams cad khyab pa dang / de gnyis song ba na dri yang med par 'gro ba zhig byung bas/ khyed su yin/ dri 'di ltar 'ong ba ji ltar yin gsungs pas/ de gnyis na re/ nged klu'i rgyal po