[A:31b]'jog po'i bu yin/ mi yul du 'ong pa la tsandan gor shirSha'i bsrung ba byas pa yin zer/ der thugs dgongs la tsandan de la sgrol ma'i sku zhig bzhengs na phan yon che bar dgongs te/ tsandan de blang du yod dam gsungs pas/ yab la dri yi zer nas dris pas/ slob dpon klu'i yul du 'byon na 'bul zer bas/ zhal gyis bzhes te klu'i yul du byon/ klu khab sgo na bzhugs pa dang / klu'i rgyal po na re/ dug gis mi tshugs na nang du byon zer nas byon te klu'i rgyal po 'khor dang bcas pa la chos bstan bsod snyoms bzhes/ de'i tshe klu rnams kyis bzhugs par zhus pas/ da nga mchod rten bye ba bzhengs pa'i 'dam 'tshol ba dang / 'bum gdan 'dren du 'ong gis bsdad mi khom phyis 'ong srid gsungs te/ 'dam mang po dang / 'bum dang / yi ge nyung ngu yang gdan drangs te 'bum gyi zhabs nas bag tsam klus ma bskur ba la da lta mjug tu rdzogs so yod pa 'di nyi khri nas kha bskangs pa yin no zhes grag go /de nas mi yul du klu 'jim las mchod rten la sogs pa bye ba bzhengs dgos pa rnams phal cher grub par mdzad/ 'ga' zhig gis klu yul du mi 'byon pa'i phyir ma mdzad do/ /de nas bzung ste klu sgrub ces pa mtshan du chags so/ /yang nA gardzu na'i nA ga ni klu ste chos dbyings su skyes pa rtag chad gnyis kyi mtha' la mi gnas pa gsung rab rin po che'i bang mdzod la mnga' brnyes pa sreg cing gsal ba'i lta ba dang ldan pas klu'o/ /ardzun ni srid sgrub ste chos kyi rgyal srid skyong ba dang / nyes