[A:34b]pa'i mtha' bsal ba'i phyir/ rtsa shes sogs rig tshogs/ kun rdzob las 'bras kyi gnad bshad de med pa'i mtha' bsal ba'i ched du rin chen phreng ba sogs gtam tshogs/ gzhan yang bshes springs sogs springs yig gi tshogs dang / rab byung gi nyams len gtso bor ston pa byang chub kyi tshogs/ byang sems kyi spyod pa ston pa mdo kun las btus dang / bslab pa kun las btus/ gso ba rig pa ston pa la sbyor ba brgya pa sogs dang / yang lugs kyi bstan bcos la shes rab brgya pa sogs mdzad do/ /de dag ni rgyu mtshan nyid kyi theg pa yin la/ 'bras bu sngags la ni gong du bstan pa de dag dang / gzhan yang slob dpon 'dis phyag rgya bzhi pa zhes bya ba'i bstan bcos mdzad pa yin mod kyang / bu ston rin po che'i gsang ba 'dus pa'i rgyud kyi bshad thabs gsang ba sgo 'byed las/ phyag rgya bzhi bstan pa ni man ngag snye ma dang / gru rdzing la sogs pa nas so so skye bo man ngag mi shes pa dag gis byas pa yin gyi/ klu sgrub kyis byas pa min par bshad do zhes gsungs shing / de tsam zhig mthong ba'i phyis kyi mkhas par rlom pa 'ga' zhig gis kyang / bdag nyid chen po sa skya paNDi ta chen pos sdom gsum rab dbyer bstan bcos de nas lung 'dren par mdzad de/ klu sgrub kyis mdzad par bzhed pa la/ de slob dpon gyis mdzad pa min pa'i shes byed dang / chos kyi rje'i bzhed pa la gnod byed kyi lung rigs ltar snang ba mang du brjod pa rnams ni/ mkhas pa'i mkhas pa chen po dpal mang du thos pa klu sgrub rgya mtsho'i gsung las/