[A:35a]gnyis 'thung rang bzhin mdzes pa'i gom stabs la/ /'gran 'dod wa skyes gar stabs bsgyur ba'i mod/ /mi gtsang 'dam du lhung ba'i rnam thar la/ /lha rnams rgod pa'i dbyangs kyis khrel zhes thos/ /zhes sngon gyi gtam rgyud dang sbyar nas 'byung ba ltar/ glang chen la wa skyes sogs las khyad par du bya'o snyam pa'i bsam pa med kyang lus stobs kyi shugs kyis glang po che rang nyid rang bzhin gyis 'gro ba'i gom stabs shin tu mdzes shing brjid chags pa des wa skyes sogs gzhan rnams zil gyis non pa na/ de ma bzod par wa skyes shig glang po che la 'gran 'dod kyis par spir gyi 'gro lugs mang po zhig byas pas 'gran ma bzod pa'i khar/ rang nyid mi gtsang ba'i 'dam du lhung ba na de la lha rnams kyis dgod pa dang bcas pas khrel ba ltar/ bdag nyid chen po sa skya paNDi ta la gzhan gzhung ngan pa bkag nas rang gzhung dar ba dang / grags 'dod kyi kun slong med kyang / mi nas mir gyur skye ba nyi shu lnga/ /zhes sogs dang / skye ba gzhan du sbyangs pa dang / /mkhas pa du ma bsten pa dang / /rnam par dpyod pa'i blo gros kyis/ /shes bya kun la 'jigs med thob/ /ces mi nas mir gyur pa skye ba nyi shu rtsa lnga'i bar du mgon po 'jam pa'i dbyangs kyis rjes su bzung zhing rig pa'i gnas mtha' dag la ches cher sbyangs pa dang / kha che'i paNDi ta shAkya shrI sogs mkhas pa'i skye bo mang du bsten cing / rnam par dpyod pa'i blo gros phul du byung bas shes bya'i gnas kun la mi 'jigs pa'i spobs pa thob pa'i stobs kyis chos dang chos ma yin pa'i rnam dbye