[A:35b]phye ba tsam gyis ltar snang ba'i grub pa'i mtha' thams cad zil gyis non zhing / sa gsum na snyan pa'i gdugs dkar po legs par g.yo ba de ma bzod par de la 'gran 'dod kyi bsam pas lung rigs ltar snang gi ca co 'brug ltar bsgrags kyang / chos kyi rje la 'gran ma nus pa'i khar rang nyid la mkhas pa'i skye bo rnams khrel bar 'gyur ba las 'bras bu gzhan yod par ma 'khum/ des na phyag rgya bzhi pa la tshigs bcad ma zhig dang / lhug pa gcig ste gnyis yod pa'i tshigs bcad ma de slob dpon klu sgrub kyis mdzad pa ma yin par a bha ya'i man ngag snye ma dang / pho brang zhi ba 'od sogs kyis bshad mod kyang tshig lhug tu yod pa de slob dpon gyis mdzad pa yin nges shes yin pas/ bu ston rin po che'i de yang tshig lhug ma 'di la dgongs la/ bdag nyid chen po sa paN gyis/ 'phags pa klu sgrub nyid kyis kyang / /phyag rgya bzhi par 'di skad gsungs/ /zhes pa'i phyag rgya bzhi pa ni lhug par yod pa de yin pas 'di ni 'phags pa klu sgrub kyis mdzad pa yin te/ slob dpon dga' ba skyong gi dbang bskur nges bstan gyi dka' 'grel las/ 'phags pa klu sgrub kyi zhal snga nas/ phyag rgya bzhi pa bstan pa las/ dper na bzhin gyi gzugs brnyan me long du shar ba ni bzhin ma yin la/ sngar grub pa dang da lta grub pa ma yin pa bzhin du de nyid gzugs brnyan 'dra ba tsam sgrub par byed mod kyi zhes sogs lung 'dren yang mdzad pas 'di la 'khrul pa med la/ des na slob dpon gyis rdo rje theg pa'i phyogs la phyag rgya bzhi pa sogs mang du mdzad do/ /de lta bu'i