[A:39a]len gyis kho la phyag dgos pa las/ slob dpon gyis kho'i mgo la rdog pa bzhag nas byon/ der dge 'dun gyi gral gyi smad kyi char bzhugs pas/ khos bgrangs pa na grangs lhag nas/ sngar med pa'i mgo ldum gang nas 'ongs zer/ slob dpon gyis mgo ldum ske nas 'ongs byas pas/ khos rtsod pa byed par shes nas/ byi'u gcig changs par bzung nas/ 'di shi ba'am ma shi ba yin zer/ de khyod la rag las so zhes gsungs pas/ kho them pa'i steng du 'dug nas nga nang na 'dug gam phyi na 'dug zer ba la/ yang slob dpon gyis khyod kyi spyod lam la rag las zhes gsungs pas/ spobs pa lan med du gyur to/ /de nas dge 'dun rnams kyis sring mo dang ne tso dang the le skor paNDi ta gda' 'o zhes zhus pas/ de'i gnyen por dge bsnyen ngo tsha med pa dang / byi la dang mar nag sta gon byas so/ /der sang rtsod pa byed pa'i do nub dbus su rgyal po/ g.yas su slob dpon/ g.yon du rta dbyangs kyi khri bshams te kho'i khri'i steng du krad rnying la sogs pa'i mi gtsang ba bzhag nangs par khri la thams cad 'khod 'khor rnams kyang bsdad grub pas na/ kho na re/ mig gcig pa 'di ci smra zhes smra ba la/ slob dpon gyis/ drag po mig gsum ldan yang de nyid mthong ba med/ /brgya byin mig stong ldan yang de nyid mthong ba med/ /ArYa de wa mig gcig po ni gang yin des/ /srid pa gsum po ma lus pa yi de nyid mthong / /zhes gsungs pas/ der khos ral ba btegs te mig