[A:202b]rags pa yongs su grags pa'i po ti che ba zhig bsgrigs te/ dkar chag yid bzhin gyi nor bu'i bang mdzod kyi sgo 'byed gsal ba'i yid 'phrog ces bya ba mdzad/ phyis po ti de nyid jag pas khyer dus me 'bar bas ding sang mgon pod me 'bar mar grags/ gzhan yang gsang sgrub yid bzhin nor bu sogs shin tu gsang bar 'os pa'i yig chung mang po dang / lha mos mnal lam du lung bstan pa'i bskang gso sogs zab cing mtha' chod pa'i yi ge 'ga' mdzad de/ nyid kyi gsung las/ bod yul bstan pa'i mnga' bdag mchog /sa skya'i rje btsun las brgyud pa'i/ /nag po chen po'i man ngag la/ /nga mkhas zer ba mang na yang / /ji bzhin rtogs pa kho bo tsam/ /zhes sogs mkhas pa'i rtogs pa brjod pa yang mdzad/ /mgon po 'khor bcas kyang 'phral nas 'phral du gzigs shing sku dang grib ma bzhin du 'grogs nas las thams cad kyang sgrub pa'i lo rgyus kyang bsam gyis mi