[A:41b] pa yin gsungs nas/ sku la snam sbyar bzhes te/ rdo rje dril bu phyag tu bsnol/ yud cig thugs dam la zhugs nas/ de ma thag rang bzhin 'od gsal chen po'i klong du thim pa'i tshul bstan to/ /de dus sgom chen pa dar ma dpal gyi gzigs snang la/ glang po che rgyan gyis spras pa zhig mkha' 'gro ma bzhis bzung nas rje nyid dag pa'i zhing khams su spyan 'dren rgyu yin pa'i mtshan ma shar ba sogs ngo mtshar ba'i rtags mang du byung bar grags so/
Hagiography of Gong dkar rDo rje gdan pa
/yang sa skya pa'i rje btsun gong ma'i bstan pa spyan gyi 'bras bu ltar gces par 'dzin pa'i skyes bu dam pa nus mthu'i mnga' bdag rdo rje gdan pa chen po kun dga' rnam rgyal dpal bzang po ni/ bskal pa dpag tu med pa'i sngon rol nas mchog gi go 'phang mngon du mdzad cing / slar yang sprul pa'i sku bgrang ba las 'das pa sku gsung thugs gsang ba bsam gyis mi khyab pa'i sgo nas/ skal pa dang 'tshams pa'i gdul bya'i zhing