[A:3b]bcas te bltams shing / de'i skabs su shar mi nyag gi paNDi ta grags pa rdo rje pas gzhon nu gzugs bzang zhing mdzes la lta na sdug pa de'i zhal gyi dkyil 'khor gzigs pa na/ a rokSha dpal ldan sa skya pa'i bstan pa'i rtsa ba zin a gsungs shing sku pang du bzhes nas/ rgyal ba'i thugs sras sngon byang dge ba yi/ /yon tan thams cad 'bad med lhun gyis grub/ /chung ngu nyid nas dam pa'i spyod pa mdzad/ /bu chung 'phags pa'i sku la phyag 'tshal lo/ /zhes bstod cing mtshan rdo rje rgya sog bkra shis rgyal mtshan dpal bzang po zhes bya bar gsol te/ de nas paNDi ta de'i drung du dam pa'i chos kyang mang du gsan par mdzad ces thos la/ de dag gi skabs su bla ma legs pa bzang po pa bya bas yon tan thams cad kyi phyi mo 'dri klog phul ba na/ brda bstan pa tsam gyis 'dri klog gnyis ka thogs med du mkhyen cing / yi ge'i rigs kyang bod yig mi the ba'i rgya gar ba'i yig rigs drug tsam dang mkha' 'gro'i yi ge dang / hor yig gsar la sogs pa yig rigs mang po gzigs pa tsam gyis dgongs te/ mdor na dri ba dang klog pa'i tshul thams cad la mkhyen rab phul du byung bas skye bo thams cad ngo mtshar ba'i gnas su gyur pa yin no/ /de nas dgung lo drug bzhes pa na bdag chen rgya gar shes rab rgyal mtshan gyi drung du dges pa rdo rje'i dbang / rdo rje phur pa'i dbang / drag po sgrol ba'i rjes gnang sogs dbang rjes gnang mang du gsan zhing / sku gzhon