[A:5b]thugs mi mnga'/ yab yum dang tha dad du bzhugs pa'i tshe na/ bsam pa chung ngus mi spyod par bang mdzod kyi dngos po kham chen po rnams kyang 'phangs pa med par ster ba la/ sna bo dag gis 'gog par mi nus pas zad pa med par spyod/ dgung lo bdun bzhes pa nas bzung bsnyen gnas yan lag brgyad pa'i khrims mnos te/ zla ba byung ngo cog la lan gsum [C:264]mam gnyis mi chag par bsrung / rang bzhin gyis thugs bsgam pas gzhan gyis bco ba la thugs mi g.yo zhing / rkyen ngan pa ci byung rung thugs mi 'khrugs/ gcig tu dam pa'i chos kho na la thugs gzhol bas dus rtag tu dkon mchog mchod pa la brtson par mdzad cing / bla ma slob dpon gyi ming du grags pa mtha' dag la gus pas 'dud pa sogs/ mdor na/
sbyor ba'i sngon du snying rje dang / /
bzod pa dang ni mos pa dang / /
dge la yang dag spyod pa ni/ /
rigs kyi rtags su shes par bya/
zhes ji skad gsungs pa ltar rgyal ba'i rigs kyi nus pa yang dag par rtas pa'i tshul ston par mdzad do/ /
bag chags tshon brgyas bkra ba ri mo'i gzugs/ /
kun gzhi'i me long dwangs pa la shar ba/ /
'du byed g.yo ba'i mig gis mthong ba las/ /
'gro mang mi dge ngang gis spyod na yang / /
rgyal ba'i sras khyod gtong la goms pa yis/ /
dbul 'phongs sdug bsngal sel ba sbyin pa'i char/ /
'bad med snying rje'i mkha' las ngang gis 'bebs/ /
tshogs gnyis chu gter skyed mkhas khyod lags so/ /
'di dag ni [B:16] sku bltams shing gzhon nu rol rtsed mdzad pa'i tshul che long tsam brjod pa'i gtam gyis rba rlabs gyen du skyod pa'i rim pa'o// //
sangs rgyas kyi bstan pa'i sgor bzhugs pa'i gtam/
da ni/ sangs rgyas kyi bstan pa