[A:51b]zhing / /
ngo mtshar mdzad ba'i dba' rlabs cher g.yo ba/ /
rnam thar ma dros dbang po'i 'jug ngogs nas/ /
chu thigs tsam zhig dad pa'i skra rtses blangs/ /
khyed kyi rnam thar nam mkha'i mtha' 'dra ba/ /
blo ldan 'dab bzang gis kyang ma rtogs na/ /
bdag blo bung ba gzhon bu'i gshog rtsal gyis/ /
cha yi cha tsam rtogs par ga la nus/ /
'on kyang 'brug gi rnga chen sgrog pa'i tshe/ /
gtsug ldan snyan pa'i kluglu dbyangs len pa ltar/ /
khyung chen mkha' la lding ba'i 'jug ngogs su/ /
sbrang bu'ang 'dab ma g.yo bar mi byed [C:362]dam/ /
mthong thos [B:95] dran dang reg pa tsam gyis kyang / /
srid pa'i chu klung ma lus skems byed pa/ /
khyod sku yid bzhin nor bu'i yon tan de/ /
rtag tu lan gcig min par yid la mnags/ /
de slad tshig sbyor dman dang ma rtogs dang / /
log rtog the tshom dri mas sbags pa las/ /
rnyog mar byas gang bzod pa'i yid bzhin dbang / /
chu dngas nor bu'i 'od kyis dngas par mdzod/ /
'dir 'bad las byung dge ba'i phung po ni/ /
kha ba dung dang chu shel ku mu da/ /
gangs ri ltar dkar cung zad thob pa des/ /
'gro blo'i mun pa rtag tu sangs gyur cig//
ces pa dpal ldan bla ma dam pa'i rnam thar ngo mtshar gyi rgya mtsho zad mi shes pa'i yon tan gyi gter zhes bya ba 'di ni/ rje btsun dam pa de nyid la mi phyed pa'i dad pa mnga' ba mang du thos shing rigs pa smra ba'i bshes gnyen chen po bka' bcu 'dzin pa dge 'dun grags pas nan tan tu bskul ba la brten nas/ shar dwags po'i paNDi ta gsum pa dpal phyogs thams cad las rnam par rgyal ba'i lha ming gzhan mang du thos pa'i dge slong chos smra ba karma 'phrin las pa zhes bya bas/ lcags mo lug gi lo hor zla bdun pa'i yar tshes bzang po