[A:7b]skad cig kyang mi 'bral bar 'grogs nas/ 'phrin las ma lus pa thogs pa med par [C:268]bsgrub bo/ /dus phyis kyang dam pa 'di'i drung du rnying ma'i rgyud 'bum gyi lung / sgyu 'phrul gyi dbang lung man ngag cha lag dang bcas pa gter kha gong 'og gnyis la grags pa'i dbang lung man ngag las tshogs dang bcas pa phra mo rnams kyang rdzogs par gsan nas mkhyen par mdzad la/ gying pa sprul sku sogs la bla ma dgongs pa 'dus pa'i dbang lung man ngag sogs chos skor mtha' dag par gsan zhing / yab rje'i drung du'ang yab chos rnying ma'i skor mang du gsan no/ /rab tu byon ma thag pa nas bod kyi rdo rje'i gdan/ dpal gsang phu ne'u thog gi chos grwar phyags [B:19] phab/ mthong smon grwa tshang gi slob dpon mkhas pa chen po dkon mchog bzang po la gtugs nas/ gsang phu ba la grags pa'i phar tshad bsdus gsum la legs par sbyangs shing / khyad par du shes rab kyi pha rol du phyin pa mngon par rtogs pa'i rgyan 'grel pa dang bcas pa la mkhas par mdzad do/ /rdo rje 'jigs byed kyi dbang bskur ba rigs mi cig pa mang po dang / rgyud rtog bdun/ rtog gsum/ gtam rgyud kyi rtog pa rnams kyi bshad pa/ las tshogs kyi man ngag/ /sngags btu'i byin rlabs/ sngags btu/ sngags kyi rjes gnang sogs dang rwa lo'i shog dril sogs man ngag mang po gsan zhing / thams cad mkhyen pa sangs rgyas dpal ba las brgyud pa'i mi g.yo ba dkar po rjes gnang / sgrub thabs/ las tshogs la sogs pa'i chos skor yongs su rdzogs pa dang / de las rgyud pa dpal ldan sa skya
pa'i chos skyong gur gyi mgon po'i rjes gnang rigs