[A:8a]mi 'dra ba mang po [C:269]dang sgrub thabs/ las tshogs/ bstod pa/ bskang bso dang bcas pa mang po dang / 'jam dbyangs kyi chos skor rigs mi 'dra ba mang po gsan nas mkhyen par mdzad cing / dam pa de'i bka' drin las dgung lo bcu bzhi pa nas bzung ste 'jigs mdzad lha dgu ma la thugs dam du mdzad nas sku ji srid 'tsho'i bar du 'chag med du mdzad do/ /grwa tshang de'i slob chung / gtsang snar thang pa shes rab seng ge las kyang dbu ma rig pa'i tshogs ma lus pa dang tshad ma sde bdun mdo dang bcas pa'i de kho na nyid thugs su chud par mdzad la/ 'dul ba 'bum sde'i mnga' bdag skyor mo lung pa bsam gtan 'phel las/ mdo rtsa ba gtso bor gyur pa'i 'dul ba'i gzhung lugs ma lus pa rnams kyi tshig don dang / kun las btus dang / mdzod la sogs pa mngon pa'i gzhung lugs rgya mtsho lta bu la mkhas par bslabs shing / mkhas pa chen po su ma ti kirti'i zhal las kyang dbu ma'i gzhung lugs mang po dang / 'dul [B:20] ba'i bshad pa lag len dang bcas pa legs par gsan no/ /khyad par du yang rgyal ba ma pham pa'i thugs kyi sras dam pa rong ston shes bya kun rig gi zhal las sde snod phal che ba gsan nas mkhas pa'i dbang por gyur la/ bye brag tu shes rab kyi pha rol phyin pa rgyas 'bring bsdus pa gsum gyi bshad pa dang / mngon par rtogs pa'i rgyan 'grel pa dang bcas pa'i bshad pa la nan tan du mdzad/ rigs tshogs/ bzhi brgya pa/ spyod 'jug sogs gzhung phyi mo'i dbu ma rnams 'grel pa dang bcas pa dang / 'jug pa rtsa 'grel sogs thal [C:270]'gyur gyi gzhung mang po dang / rtog ge 'bar ba rtsa 'grel