[A:10b]rin rgyal ba las/ dus kyi 'khor lo'i dbang lha mang nyung dang dkyil 'khor gyi khyad par las rigs mi 'dra ba mang po dang / dbang mdor bstan rtsa 'grel/ sdus rgyud rtsa 'grel/ lta 'dod mdor bstan/ don dam bsnyen pa dang bcas pa'i bshad pa lan mang du gsan nas tshig don mtha' dag la mkhas par mdzad cing / rdo rje snying 'grel dang phyag rdor bstod 'grel sogs [B:24] byang shamabha la pa'i chos skor mang po dang / rnal 'byor yan lag drug pa lasla sogs pa kun mkhyen jo nang pa las brgyud pa'i chos skor mtha' dag gsan/ 'jam dbyangs chen po don grub 'od zer yun du bsten nas/ dus kyi 'khor lo tsa mi lo tsA ba nas brgyud pa'i dbang lung man ngag bshad pa dang bcas pa rnams dang / karma pa
la grags pa'i dbang dang gdam ngag ma lus pa rnams dang / zhwa nag can rgyud pa drug gi bka' 'bum yongs su rdzogs pa la sogs pa dwags po bka' brgyud kyi chos skor phal che ba rnams dang / rgyud pa gzhan las byung ba'i chos kyi rim pa bsam gyis mi khyab pa la sogs pa gsan yig na [C:275]bzhugs so 'tshal zhus nas mkhyen par mdzad/ mkhyen rab kyi dbang phyug grags pa 'byung gnas pa'i drung du/ gdan sa thel pa las brgyud pa dang / zhwa lu pa las brgyud pa gtso bor gyur pa'i dbang rjes gnang lung man ngag dang bcas pa dpag tu med pa gsan/ grub pa'i dbang phyug chen po bka' 'gyur ba shAkya rgyal mtshan pa las/ rgyal ba'i gsung rab bka' 'gyur ro cog gi lung dang / bstan 'gyur phal che ba'i lung rdo rje 'phreng ba dang / mi tra brgya rtsa/ bsgrub thabs brgya rtsa/ rgya mtsho rnams gtso bor gyur pa'i dbang bskur ba