[A:11a]dang / rjes su gnang ba bgrang ba las 'das pa dang / dwags po bka' brgyud kyi zab khrid/ dbang rjes gnang byin brlabs lung la sogs pa chos skor shin du mang ba dang / shangs pa bka' brgyud kyi chos skor man ngag phra mos mtha' brten pa yongs su rdzogs pa dang / rnying ma'i chos skor mang po dang / bka' gdams pa'i chos skor bsam gyis mi khyab pa dang / mkha' reg skor gsum dang / khro bu ba'i gdams pa la sogs pa/ gdams pa phran bu'ang rgya yongs su ma chad par gsan te mkhyen par mdzad/ chos kyi rje ngag dbang rgyal mtshan pa las zhi byed brgyud pa snga phyi bar gsum gyi dbang lung man ngag bka' bsrungs dang [B:25] bcas pa yongs su rdzogs par gsan nas mkhas par mdzad do/ /spyan snga chos kyi rje kun dga' rgyal mtshan pa las kyai rdo rje lugs bzhi'i dbang sogs dpal ldan sa skya pa'i zab chos shin du mang po dang / gshed dmar/ sbra nag /gdong drug la sogs gshin rje gshed kyi [C:276]skor dang / dmar po skor gsum dang / mkha' spyod ma skor gsum sogs mchog bsgrub pa'i gdams pa khyad par can rnams dang / gri gug ma lha lnga dang / bcu bdun ma/ gur lha brgyad dang / bcu gnyis ma'i dbang sogs mgon po'i gdams pa'i skor zhib tshegs dang bcas pa/ zhal bzhi pa lha mang dang / las bzhi'i rjes su gnang ba sogs gdams pa yongs rdzogs dang / gzhan yang theg chen chos kyi rgyal po las brgyud pa'i zab chos ma lus pa gsan nas mkhas par mdzad/ rgod phrug grags 'byung ba las gcod yul gyi gdams pa mtha' dag dang / 'bri gdan gyi zab chos rnams la sogs pa bka' brgyud rin po che'i