[A:14b]gyi sgo 'bum phrag mang po thugs nyams su bstar bas/ phyir 'gro ba ma lus pa dbang du 'dus/ nang du rtsa rlung thig le'i de kho na nyid la dbang 'byor/ gsang bar mi ma yin mtha' dag bran du bskol nus pa la sogs mchog dang thun mong gi dngos grub ma lus pa bde blag tu 'grub par mdzad do/ /de nas yum gyis spyan 'dren pa ji tsam bsngagsmngags kyang gdan ma 'drongs pas/ yum nyid kyis skyes pa'i chas su rdzus te/ lam [C:283]gyi dka' ba dpag tu med pa dang du blangs nas spyan sngar gtol bas/ yum gyi bka' ma chogs par/ gnas kyi phyi rol du phyags phebs te/ grum lung stod smad gyi dben pa rnams su thugs dam la brtson par bzhugs pa'i tshe/ slob dpon dge [B:31] 'dun grub pa bkra shis lhun po'i chos sde 'debs par bzhed pas gtsang phyogs su byon nas/ gsang phu'i grwa tshang 'thor la thug pa'i nyams dma' bar gyur pa thugs kyis ma bzod pas/ gsang phur phebs pa na/ nang gi de kho na nyid dngos su gzigs pa'i byin gyis/ skye dgu rnams 'dun par 'gyur ba ni chos nyid pas/ ma lus shing lus pa med pa thams cad kyis ched du bsngags shing / rje btsun 'jam pa'i dbyangs kyis bla ma mdzad pas/ shes bya'i gnas mi mkhyen pa gcig kyang mi mnga'o zhes/ kun mkhyen bkra shis rnam rgyal gyi mtshan du 'bod par byed la/ 'ga' zhig gis 'jam dbyangs bkra shis rnam rgyal zhes par yang 'don to/ /de phyin chad du ni mnyam rjes bgrod pa gcig pa'i lam brnyes pa ltar/ nang du yang dag 'jog las nam yang g.yos pa mi mnga' na yang / phyi ltar du ni rjes thob kyi spyod pa gzhan don 'ba' zhig mdzad pa'i rnam par snang ngo zhes grag go /
bsam gtan chu klung