[A:15b]mdzad par zhal gyis mches pas/ gnas de la ding sang kyangyang 'jam dbyangs phug par grags shing / zhal gzigs thang sku dang bstod pa'ang mang du mdzad do/ /tsA ri g.yu mtshor 'jigs mdzad [C:285]lha dgu ma'i dkyil 'khor gyi 'khor lo la lha tshogs gzhan mang pos bskor ba yun ring du gzigs shing / de phyin du yang yang gzigs pas de nyid bsgrub pa'i thabs kyang mdzad/ seng ge phug dang yul smad/ chos yes brag mgo/ sgo gong / skyid mo sgang sogs su'ang gzigs snang ya mtshan can mang du byung / 'brug mda' shug mo cher gsang spyod la bzhugs pa'i nub mo ciggcig shug pa'i dkyil nas bshugs glu mang po grag bzhin pa dang bcas pas keng rus kha nas me 'bar ba mang pos gar byed cing 'khrabs pa'i mod la/ 'ga' zhig drung nyid du bsnyen nas cung zad mtho mtsham pa'i rnam pa ston pa na ting ngi 'dzin gyis gzir bas/ de rnams la ciggcig la cig thim nas/ mthar keng rus gnyis su gyur pa de nyid/ dur khrod bdag po yab yum gyi sku 'od phung gi dbus na bzhugs pa/ shug sdong de bas kyang che ba'i sku'i rnam par bstan nas nam mkha' la yal bar gzigs pa dang / gsang phur byams pa 'jam dbyangs mi g.yo ba sgrol ma sogs zhal [B:33] gzigs shing / de nyid dang phyogs gzhan dag tu dbyangs can ma rigs mi 'dra ba mang du gzigs pa'i zhal gzigs bstod pa yang yod/ lha mo lha khang du rnal 'byor dbang phyug bsgom bzlas mdzad pa'i dus shig tu/ rtsig pa dang thog la sogs pa'i snang ba nub ste/ nam mkha' sprin dang bral ba'i dbyings su pad zla la sems dpa'i skyil dkrung gis bzhugs pa'i rnal 'byor dbang phyug sku mdog rmug po/ phyag gnyis thugs kar chos 'chad mdzad cing rus pa'i rgyan