[A:18a]mkha' 'gro chos skyong la gsol ba btab pas dgos dgu cog 'bad med du 'byung bar bya'o/ /mchod gtor rgya chen po bshoms shig pa'i bka' phebs pa la/ mchod gtor gyi rgyu cha tsam yang ma 'tshal bas/ sne'u rdzong du zhus pa'i rtsam rgyab brgyad dang lug sha bcu gnyis la thab kyi nyer spyad dang mchod gtor gyi rgyu cha mdzad de rdo rje'i chos skyong ba rnams la gsol btab paspa/ tsam nas sha mar/ gos dar/ rnam phrug /go khrab/ mdzo/ rta la sogs pa char bzhin du babs pas/ [B:37] 'phral dgos kyi nyer sprad 'kho dgu mtha' dag 'dzom nas/ rus shing btsugs te spra bzo la thug pa'i skabs su/ khams nas zangs dos brgya dang bcu bdun/ dngul chu dos drug /gzhan yang gser dngul/ ja gos dar/ rta drel mdzo gsum sogs 'bul ba mang po sleb cing / dbus gtsang sogs yan phyin rnams nas kyang zangs gser sogs 'bul ba bsam gyis mi khyab pa byung bas/ rten chen 'bad med du grub pa dang / gsang phur rgya nad mig ser bya ba'i rims nad drag pos grwa tshang re re nas dge 'dun dpag tu med pa gshegs shing snon gsang gi mi phal che ba dus kyi chos dang ldan par byas pas lung [C:291]pa stongs la thug pa byung ba'i dus/ bdag nyid chen po 'dis rdo rje'i chos skyong pa rnams la 'phrin las bskul bas/ mthong smon grwa tshang gi grwa par gtogs so cog yon bdag dang bcas pa rnams la/ nad des cung zad kyang mi gos shing / phyag mdud thogs pa rnams kyang nad de las skyob par mdzad pa dang / bsam yas su chos bar la phebs pa'i dus shig tu/ nye logs su sog spe la me shor nas dpon slob pa'i gzims khang tshig tu nye ba na/ gzhi bdag chen po la "me sod" ces bka'