[A:17b]thil phal che ba dang rtses thang gi gling mtha' dag gsal bar gzigs pa dang / phyi nang gi dngos po gang la'ang zhen pa dang mtshan 'dzin mi mnga' bar gsal stong blo bral gyi ngang mi g.yo bas nam mkha' dag pa'i snang ba dang nam yang ma bral bar bzhugs pa la sogs pa ni 'od gsal la brnyes pa'i rtags so/ /
'od gsal [B:36] mkha' ltar dag pa rig pa'i gshis/ /
ma rig mun pas nam yang ma sgribs pa/ /
g.yo med me long dwangs pa'i gzugs lta bu/ /
mngon sum sgrib med nyid du nyer gzigs nas/ /
bsal bzhag med pa'i mkha' dbyings rab bsgrod de/ /
yang dag shes bya'i dkyil 'khor la bltas pas/ /
blta ru med pa snang stong zab mo'i don/ /
ngo mtshar yul snang ltad mo ci yang mthong / /
bstan dang mthong du med pa chos kyi dbyings/ /
ngos bzung mtshan ma'i dri mas ma sbags pa/ /
stong nyid sgeg mo'i gzugs kyi lang tsho de'ang / /
mngon sum gzigs pa'i spyan ldan khyod lags so/ //
'di dag ni dag pa'i snang ba dang mi bral zhing 'od gsal 'khor yug tu mnga' ba'i tshul che long tsam brjod pa'i gtam gyi rba rlabs gyen du bskyed pa'i rim pa'o// //
mthu stobs kyi rdzu 'phrul mngon du mdzad pa'i gtam/
de ltar yi dam gyi lhas byin gyis brlabs shing sa chen po la rab tu bzhugs pa'i dbang las/ thun mong ba'i dngos grub rnams ni zhar las 'byung ba chos nyid [C:290]pas/ thugs la ji ltar bzhed pa rnams 'bad med du byung ste/ lha chen bzhengs par 'u shang mdor phebs pa'i dus su/ gtsang phyogs nas sleb pa'i zangs dos bcu gnyis kho na las gzhan pa'i bzo rgyu dang / nyer spyad ci yang med bzhin par lha bzo ba gdan 'dren gnang song ba la/ sku 'khor ba dag gis rgyu med par lha chen ji ltar bzhengs pa sogs kyi skyon yon zhus pas