[A:20a]pa'i skad ngan mi mang pos thos pa byung zhing / de phyin du 'tshe ba de rnams zhi bar mdzad pa dang / gong dkar du nang so shes rab pa rgya 'dre'i gnod pas gtses nas gsung dig cing / sku srog la thug tu nye ba na/ bdag nyid chen po 'dis byin brlabs mdzad ma thag dngangs ba dang bcas pas rang nyid kyi skye rgyud sogs gsal bar smras te 'gyod tshangs dang bcas nas/ de phyin du phyag mdud thogs so cog la gnod pa mi byed pa'i khas len phul te phyir dengs par mdzad pa dang / gling gi grwa pa gnyis kyis bka' bcag pa la rmi lam ngan [C:295]pa mthong nas gung ston nam mkha' rgyal po la skyabs zhus te bzang tshe rir bsrung bzlog gi mtshams la bsdad pa'i dus su/ de gnyis ka'i nyams snang la mi nag po dung long btags pa zhig gis bcings nas dbang med du khrid pa'i snang bas dngangs skrag gi ngang du gnyis ka sgo la'i rtser sleb dus/ rlung sir bu'i ngad kyis btab pa dang / tho rangs kyi skar ma mthong bas rkyen byas nas gnyid sad pa ltar dran pa rnyed pa na/ chos skyong gi cho 'phrul du yid ches te/ bdag nyid chen po 'di'i zhabs la gtugs nas bka' ji lta ba bzhin sgrubsbsgrubs pa dang / snel pa'i dmag chen rnams mkhar rtse ba'i thog tu bskul ba'i lam sgo la la btod par brtsams te/ de'i lam zhor la nA lendra'i chos kyi sde 'di [B:41] la yang mtho mtsham'tsham pa'i gros ngan zer ba bdag nyid chen po 'dis mkhyen te/ rdo rje'i chos skyong pa rnams la 'phrin las bskul bas/ dpung chen rdog bder sleb pa'i nub mo/ byi ba'i tshogs kyis khrab rgyun mtha' dag zos nas/ khrab phal che ba byang bu 'ba' zhig tu sil mar gyur la/ go mtshon gzhan rnams kyang phal cher nyams par byas pas/ thugs rtog zos