[A:22a]nas 'tshubs pa'i spyod pa ston pa la/ drag sngags dang ting nge [C:299]'dzin gyis gzir bas des kyang ches shin tu dngangs shing skrag pas skad ngan mu cor smra bzhin pa'i ngang nas/ kho nyid kyi skye rgyud sngar byas da 'byung sogs dang/ zag bcas kyi mngon par shes [B:44] pa'i rtsal gyis 'das pa'i dus kyi gtam rgyud mang po dang / ma 'ongs pa na 'byung ba'i tshul mang po lung bstan pa rnams yi ger bris pa'i shog dril deng sang kyang rtse nyid na yod skad/ de ltar bca'ca co'i gtam mang pos mtshams sbyar nas slar gsol ba/ dam pa khyed thog mar phebs dus sku srog lhag ma cung zad tsam yod na'ang / sku 'khor ba rnams la ju thig 'dor du bcug ste de'i mdud pa bdag gis bsgyur nas/ sku srog gi lhag bcad tshar bas/ da ni sangs rgyas stong byon kyang / 'tsho ba'i thabs med/ phyags phyir las sna 'dzin pa 'di dang 'di zhes bya ba rnams khrid de 'gro zhes zer ba na/ der 'dus pa kun skrag ste gdong 'chi ma dang bcas nas bdag nyid chen po 'di la skyabs zhus pa na/ slar yang gnad la gzir bas/ de'i tshab du rgya gar nag sogs yul che ge mo'i rgyal po ming 'di skad bya ba tshe thar la gtong zhes sogs dang sngar srog gcad ma tshar ba'i sku 'khor rnams 'jog pa khas blangs/ gzhan yang dam pa 'di la skyabs 'cha' ba mtha' dag la gnod 'tshe mi byed pa'i mna' bor nas/ bcos ma ma yin pa'i gdung shugs kyis zhu don smre sngags su 'bul ba sogs nyams nyes shing thabs bral ba'i tshul rnams gong ma dpon nyid kyis sngon byas ba'i las smin par dgongs te/ snga thog phan thogs srid pa tsam [C:300]yin 'dug kyang / sngon kyi 'phen pa'i dbang