[A:24b]phebs pa tshun sku la shig sro sogs srin bu'i rigs 'ga' yang mi mnga' bar kun la grags pa dang / sbyin pa la 'ga' zhing ser sna cung zad kyang mi mnga' ba dang / dus rtag tu rgyal ba dgyes pa'i mdzad spyod las gzhan du mi brnyel ba dang / byang chub kyi sems brtan pa rkyen gyis mi 'phrogs pa dang / sku la grib ma mi mnga' bar nges pa rnyed pa'i bka' bcu pa sangs rgyas dpal gyis/ bdag nyid chen po 'di'i sku lus la me mar dang nyi ma la sogs pa'i mdangs kyis phog pa'i tshe/ gzhan la bstan nas yid ches par byas pa la sogs pa ni/ bla med rdzogs pa'i byang chub las phyir mi ldog pa'i rtags dang / gsen dgon du sku mtshams la bzhugs dus gcung po nam mkha' rgyal mtshan pa la/ nged la sa thob pa'i yon tan gyi cha cung zad kyang med rung / mdang sang rmi lam gyi mtshan ma mthong ba rnams ni sa thob pa'i rtags 'ba' zhig yang nas yang du byung / gsung ba lan 'ga' zhig phebs pa dang / rjes su mthun [C:305]par/ gzhi thams cad la gya gyu med pa'i bsam pa dang / nyes spyod las ldog cing bla med rdzogs byang bsgrub pa'i gegs ma lus pa spong ba'i tshul khrims rnam par dag pa dang / dam pa'i chos gsan pa la ngoms chog mi mnga' zhing / ting nge 'dzin dang rdzu 'phrul gyis sangs rgyas mang po la chos gsan pa'i tshig don thugs su chud de/ mkhas rlom gzhan gyi rna ba'i spyod yul du ma gyur pa'i gsung rab shin tu mang po mkhyen pa dang / rang gi don dang dman pa yid la byed pas rnam par dben pa'i dgon [B:49] pa 'ba' zhig tu bzhugs pa dang / 'dris pa dang 'khren pa mi mnga' bas sku skye ba snga ma rnams su rdzus te skye ba'i tshul mang du bstan pa dang / pha rol tu phyin pa la spyod cing nyan rang gi sa la