[A:25a]mngon par mi dgesdgyes pa dang / bdag tu 'dzin pa la sogs cung zad kyang mi mnga' zhing / rnam thar sgo gsum gyi ting nge 'dzin la dbang 'byor pa sogs/ sa dang po nas bdun pa'i bar gyi yongs sbyong gi rtags rnams kyang gsal bar mnga'/ gzhan dag gis bskal par 'bad kyang 'grub mi srid pa'i bstan pa dang sems can gyi don rlabs po che bsgrub pa la bar du gcod pa'i mtshan ma tsam yang mi mnga' bar bde blag tu 'grub pa rnams ni lha'i bu'i bdud bcom pa'i rtags dang / las ngan pa la rtag par spyod pa dag gis/ dug gi sbyor ba zhus pas cung zad mnyel ba lan gsum gyi bar du/ sman pa la ma ltos par thugs dam kho na'i stobs kyis snyun las grol par mdzad pa sogs ni nang du dug gsum bcom pa'i dbang las te nyon mongs pa'i bdud bcom pa'i [C:306]rtags dang / 'chi ba med pa'i rig 'dzin mngon du mdzad nas dag pa'i zhing rnams su rdzu 'phrul gyi rnam par rol pa'i ngang las sprul pa'i sku rgyun mi 'chad du 'byon par mdzad pa ni 'chi bdag gi bdud bcom pa'i rtags dang / gzhan snang la so so skye bo'i tshul 'dzin kyang 'ja' lus brnyes pa la sogs pa'i gsang ba'i rnam thar rnams ni phung po'i bdud bcom pa'i rtags dang / dus phyis nyin mo'i thun mtshams 'ga' zhig tu gzhan snang la rnal mchog cung zad tsam mdzad pa ltar snang kyangyang mtshan mo rnal ba su zhig gis kyang ma tshor ba la sogs pa ni ma rig pa'i gnyid las sangs pa'i rtags dang / rnam grol don du gnyer ba rnams la nye bar mkho ba'i don mi mkhyen pa 'ga' yang mi mnga' ba ni shes bya la blo gros rgyas pa'i rtags dang / 'bad rtsol med par bstan pa dang sems can gyi phan bde rgya chen po shugs kyis 'grub pa ni/ khyab pa dang