[A:25b]rtag pa'i bdag [B:50] nyid can gyi 'phrin las lhun gyis grub pa'i rtags so/ /
rgya chen lung gi chu klung 'khyil ba'i mtsho/ /
dngos stobs rigs pa'i rba rlabs g.yo ba der/ /
thos bsam sgom pa'i bang rim mtho ldan pa/ /
thub bstan gser gyi ri dbang mthon po'i rtser/ /
ting 'dzin sgo brgya 'byed pa'i gzhal med khang / /
rnal 'byor bzhi yi ba gam btod pa der/ /
snyoms 'jug rnam dgu'i gdan khri yangs pa la/ /
g.yo med rdo rje'i skyil dkrung brtan por bcas/ /
ngo mtshar mdzad pa'i spyan stong rab phye nas/ /
nges don rtogs pa'i rdo rje cher gdengs pas/ /
lha min bdud las rgyal ba khyod lags so/ /
de dag ni yon tan gyi chos mang pos thugs [C:307]rgyud yongs su gtams pa rjes su dpag par byed pa'i rtags mngon du gyur pa'i tshul che long tsam brjod pa'i gtam gyi rba rlabs gyen du bskyod pa'i rim pa'o/ /
'chad pa'i stobs kyis gdul bya'i pad tshal rgyas par mdzad pa'i gtam/
de ltar thos bsam sgom gsum gyis rang don mthar phyin nas gzhan gyi don rgya chen po mdzad pa'i tshul yang / /thog mar bshad pa nyin mor byed pa'i dga' ston gyis skal ldan gyi slob ma rnams la yang dag pa'i lam snang bar mdzad pa'i tshul brjod par bya ste/ dgung lo bcu brgyad bzhes pa shing mo lug gi lo'i dbyar chos kyi thog tu/ dpal gsang phu ne'u thog rdo rje'i gdan gnyis par grags pa'i chos kyi grwa chen po'i 'chad nyan par mnga' gsol te/ mthong smon grwa tshang gi chos ston par gser gyi khri la zhabs kyi padmo rnam par bkod cing / 'jam dbyangs dkon mchog bzang po'i sras kyi thu bor bzung nas / yum shes rab kyi pha rol tu phyin ma 'bum mthong smon dang / de gang du bzhugs pa'i gnas gzims khang thongmthong smon gyis thog drangs/ dam pa de nyid kyi mchod pa'i rten dang / nye bar spyad pa'i longs spyod dang grwa bu slob la sogs pa dbang ris