[A:26b]kyi thog tu/ kun mkhyen rong po nyid kyis rgyal tshab dam par mnga' gsol nas/ gdan sar bskos te/ dpal nA lendra'i chos sder gtogs so cog gi gtsug gi nor bur gyur la/ de dag gi bar skabs su lho pa khri dpon gyis la stod lhor spyan drangs nas shel dkar chos sde'i [C:309]tshogs [B:52] pa la chos kyi 'khor lo rgya chen po bskor zhing / phugs gsar dbyar chos bar phyi thos bsam rgya chen po 'byung ba'i srol btod par mdzad pa dang / chos kyi rje mkhas grub dge legs dpal bas/ rgyangs rtse chos sde'i gdan sa skyur nas yon mchod kha rgyas mdzad pa na/ khong bas lhag pa bdag nyid chen po 'di 'ba' zhig tu bsams nas gdan sa mdzad par gsol ba btab pa la/ kun mkhyen rong po'i bka' ma chog pas gdan sar ma bzhugs kyang / dpal 'khor bde chen gyi 'dus pa chen po'i tshogs la chos kyi 'khor lo yun ring du bskor zhing / rin spungs nang so dpal rin pas gsung chos zhur bar spyan drangs pa'i zhor las byams chen gyi tshogs su yang chos kyi 'khor lo bskor bar mdzad/ hentu chen po kun dga' rgyal mtshan pas spyan drangs nas/ sngon dga' chos sde'i dge 'dun gyi tshogs la chos kyi 'khor lo bskor ba yang lan mang du mdzad/ mthong smon gzims khang gi zhig sos la phyags phab pa'i dus la sogs pa skabs mang por/ gsang phu'i tshogs pa la'ang chos kyi 'khor lo rgya chen po bskor bar mdzad la/ sne gdong du phebs dus la sogs par/ spu gu do grwa tshang gi chos khri dmar po'i thog nas rtses thang gi 'dus pa chen po'i tshogs la chos kyi 'khor lo bskor ba yang lan mang du mdzad/ bsam yas kyi yu 'brog chos