[A:31b]pa'i ri rtser babs pa na/ /
log rtog brag ri 'jig pa chos nyid yin/ /
rtsod pa seng ge'i nga ro rab sgragsbsgrags tshe/ /
log smra'i wa [C:320]tshogs snying ni lkog mar phyung / /
phas rgol glang chen 'dar ba'i khur 'dzin na/ /
smra ngan ri dwags ma lus bag yod gyis/ /
rnam dpyod sprin sngon 'thugmthug po g.yo ba'i mkhar/ /
legs bshad 'brug sgra zab mo sgragsbsgrags pa'i tshe/ /
log smra'i bya tshogs snying la mi dga' yang / /
blo ldan gtsug phud can rnams gar byed do/ /
yid ches lung gi chu klung mi zad pa/ /
dngos stobs rigs pa'i rba rlabs g.yo ba can/ /
legs bshad gang ga'i rgyun dang phrad pa na/ /
log rtog dri ma 'khrud pa chos nyid yin/ /
de dag ni rtsod pa seng ge'i nga ros phas rgol [B:61] gyi glang chen smyon pa brtul ba'i tshul che long tsam brjod pa'i gtam gyi rba rlabs gyen du bskyod pa'i rim pa'o/ /
sdeb legs rtsom gyi 'phreng bas mkhas rnams mgu bar mdzad pa'i gtam/
da ni rtsom pa nor bu'i 'phreng ba spel legs su bkod pas thub bstan gyi nor 'dzin brgyan par mdzad pa'i tshul cung zad brjod par bya ste/ yang dag par rdzogs pa'i sangs rgyas kyis kyang dka' ba dpag tu med pas bsgrubs pa'i dam pa'i chos yun du gnas pa ni/ gsung rab ma lus pa glegs bam du bzhugs pa las 'byung bar dgongs nas bka' bsdu bar lung bstan te glegs bam la bris pa bzhinadu/ nyid kyi bstan pa'i rgyun yun du gnas pa'i thabs dang / lha dang bla ma'i bka' drin mi skyud pa dang / dam pa'i chos srid zhur mdzad pa dang / skal ldan gyi slob ma brgyud pa dang bcas pa la phan par bya ba'i phyir / bstan bcos mang zhig rtsom par mdzad de/ thog mar rtsa ba dang brgyud pa'i bla ma rnams la gsol ba 'debs pa'i rim pa dang / sangs rgyas dang byang sems mkha' 'gro chos