[A:33b]zhi ba'i dbyings su gshegs pa na/ /
ston pa'i zhal skyin bstan bcos 'di lags so/ /
de dag ni rtsom pa sdebs legs kyi 'phreng bas mkhas pa rnams mgu bar mdzad de bstan pa yun ring du gnas pa'i dga' ston spel ba'i tshul che long tsam brjod pa'i gtam gyi rba rlabs gyen du bskyod pa'i rim pa'o// //
bya ba las kyi 'khor los rten dang brten par bcas pa bsgrubs pa'i gtam/
da ni bya ba las kyi 'khor lo la brten nas/ bstan pa'i gzhi rten dge 'dun gyi sde bskyangs shing / sku gsung thugs kyi rten mchog rmad du byung ba la sogs pa bzhengs pa'i tshul rnams brjod par bya ste/ thog mar gsang phu'i mthong smon grwa tshang gi bdag rkyen mdzad dus grwa pa bcu gsum las med kyang thugs rje'i shugs kyis ches shin tu dar rgyas su gyur pa la/ mkhas pa chen po byang chub blo gros pa dang / dwags ston rig pa'i dbang phyug chos rgyal rin chen/ slob dpon legs grub/ rigs pa'i dbang phyug ti phu g.yag mgor grags pa dpal ldan grags/ mkhas pa'i dbang po rnam rgyal rdo rje ba la sogs pa 'chad nyan la rim pas bskos nas bdag po'i rkyen mdzad pas/ bstan pa la phan bde zla ma mchis par gyur te/ deng sang gi bar du gsung rgyun la 'chad nyan rgyun mi 'chad pa 'di yin la/ ma dmad pa'i rigs dang mkhyen pa'i spyan yangs pas thugs kyi sras dam par gyur pa chos kyi rje rje btsun pa shel dkar chos sde'i gdan sar bskos rjes/ grwa sa der gtogs pa'i klog pa ji snyed [C:325]cig yod do 'tshal phyogs ciggcig tu chos bar la byon nas thos bsam rgya cher spel ba'i slad tu phug gsar bya ba'i dge ba'i gnas [B:65] dam par yun du bzhugs pa las tshogs pa brgyad brgya phyin 'dus pa'i 'chad nyan la/ byang chub sems dpa' chen po mkhas pa byang blo ba bskos pas/ dus phyis chos kyi rje