[A:33a]bu'i gsung rab brtsams chos ma lus pa yang / don gyi brjod bya ni/ rgyal ba'i bka' ji lta ba bzhin la tshig gi sdebssdeb sbyor phun sum tshogs pas rna bar snyan cing go bar sla bas mkhas pas mthong na dga' bar bya/ ha cang rgyas drags pa ma yin pas nyog pa'i skyon dang bral/ bsdus drags pa ma yin zhing 'jam klas pas tshig gyong ba'i skyon dang bral/ snyan ngag gi brda phun sum tshogs pas grong pa'i tshig gi skyon dang bral/ gab tshig mang pos ma bcings pas go dka' ba'i skyon dang bral/ skye bo phal pa'i tshig dang ma 'dres pas tha mal pa'i skyon dang bral ba ste/ mkhas pa legs bshad rtsom na shes bya ba'i tshul du/ tshig rnar snyan cing don yid la 'bab pa sogs khyad chos du ma dang ldan pa sha stag go /
don zab gsung rab nor bu'i phreng ba ni/ /
snyan 'jebs tshig gi srad bu la brgyus nas/ /
shes ldan mgul ba'i rgyan du byin pa las/ /
mkhas mang ngo mtshar bskyed mkhas khyod lags so/ /
khyod kyi legs bshad yan lag drug cu'i gdangs/ /
gdangs snyan stong nyid snying rje'i nga ro de/ /
de bzhin gshegs pa'i bka' dang mi gnyis zhes/ /
zhe sar bcas nas mkhas rnams rtag tu bsngags/ /
dgra bcom mang pos gcig tu ma bsdus shing / /
tshig 'di rgya gar yul las ma bsgyur kyang / /
rgyal ba'i bka' las nam yang mi gnyis [B:64] pa'i/ /
rmad byung gsung rab 'di 'dra gang nas byon/ /
sngon med legs bshad sgrog pa 'di thos te/ /
shes ldan mkhas pa'i 'khor tshogs 'bum sde rnams/ /
dpag tshad mang po 'das [C:324]pa'i pha rol nas/ /
dad pa'i stobs kyis khyed sku'i spyan sngar 'dus/ /
ma 'ongs khyod gsung legs bshad 'di byon nas/ /
thub bstan nyin mor byed pa rab mkhyen pa'i/ /
rgyal ba